హైదరాబాద్, జూలై 10: ఆర్టీసిని పరిరక్షించేందుకు కార్మిక సంఘాలు యాజమాన్యానికి పూర్తిగా సహకరించేందుకు సిద్ధంగా ఉన్నాయని, ఈ విషయమై తమ సలహాలను స్వీకరించేందుకు ఒక సమావేశాన్ని ఏర్పాటు చేయాలని ఆర్టీసి ఎంప్లారుూస్‌యూనియన్ ఉపప్రధాన కార్యదర్శి పలిశెట్టి దామోదరరావు తెలిపారు.

విశాఖపట్నం, జూలై 10: పుష్కర పనుల్లో భాగంగా విజయవాడలో కూల్చివేస్తున్న దేవాలయాలను తక్షణమే ఆగమ శాస్తబ్రద్ధంగా పునర్నిర్మించాలని విశ్వహిందూ పరిషత్ ఉత్తర విభాగం (ఆంధ్రప్రదేశ్) డిమాండ్ చేసింది. ఈ మేరకు విహెచ్‌పి రాష్ట్ర అధ్యక్షుడు వి.వెంకటేశ్వరరావు ఆదివారం విశాఖలో విలేఖర్లతో మాట్లాడారు. పుష్కరాల ప్రారంభంలోగా దేవాలయాలను యథావిధిగా నిర్మించాలన్నారు.

విజయవాడ, జూలై 10: రాజధాని అమరావతి నిర్మాణానికి కజకిస్థాన్ దేశం సంపూర్ణ మద్దతు ప్రకటించింది. ఆస్తానా, ఆంధ్రప్రదేశ్ మధ్య పరస్పర కార్యాచరణ బృందం ఏర్పాటుకు నిర్ణయం జరిగింది. ప్రపంచ నగరాల్లో నిర్మాణ శైలిలో అద్భుతమైనదని ప్రశంసలు పొందిన కజకిస్థాన్ రాజధాని ఆస్తానాలో ముఖ్యమంత్రి చంద్రబాబు బృందం ఆదివారం విస్తృతంగా పర్యటించింది. ఈ సందర్భంగా ఆయన నగర మేయర్ అస్సెట్ లెస్క్‌షొవ్‌తో భేటీ అయ్యారు.

హైదరాబాద్, జూలై 10: ఏపి డిజిపిగా ప్రస్తుత ఆర్టీసీ చైర్మన్ నండూరి సాంబశివరావు నియమితులయ్యే అవకాశాలు కనిపిస్తున్నాయి. ముఖ్యమంత్రి చంద్రబాబునాయుడు ఆయన వైపే మొగ్గు చూపుతున్నట్లు సమాచారం. అదేవిధంగా ఆర్టీసి చైర్మన్‌గా డిజిపి రేసులో ఉన్న మరో ఐపిఎస్ మాలకొండయ్య నియమితులయ్యే అవకాశాలున్నాయి. ప్రస్తుతం రష్యా పర్యటనలో ఉన్న చంద్రబాబు తిరిగి వచ్చాక వీరిద్దరి నియామకాలపై నిర్ణయం తీసుకోనున్నారు.