హైదరాబాద్, జూలై 10: తెలుగుదేశం ప్రభుత్వానికి రైతుల వ్యతిరేకత తప్పడం లేదు. అమరావతి నిర్మాణానికి 32 వేల ఎకరాలు ఇచ్చినప్పటికీ, భూమి ఇచ్చిన రైతులకు ఎక్కడ భూములిస్తారన్న దానిపై ఇప్పటికీ స్పష్టత ఇవ్వని ప్రభుత్వం దృష్టి, ఇప్పుడు బందరు మీద పడింది. పోర్టు నిర్మాణంతోపాటు, పారిశ్రామిక అవసరాల కోసమంటూ 36 వేల ఎకరాలు సమీకరించేందుకు నేడు నోటిఫికేషన్ ఇవ్వనుంది.

ఒంగోలు, జూలై 10: రాష్ట్రంలో మూడు వేల ఎస్‌సి, ఎస్‌టి బ్యాక్‌లాగ్ పోస్టుల భర్తీకి నోటిఫికేషన్ ఇచ్చేందుకు అన్ని చర్యలు తీసుకున్నామని రాష్ట్ర ఎస్‌సి, ఎస్‌టి కమిషన్ చైర్మన్ కారెం శివాజీ వెల్లడించారు. ఆదివారం ఒంగోలులో ఆయన విలేఖర్లతో మాట్లాడుతూ దళితుల భూములు ఆక్రమణలకు గురౌతున్నాయని వాటిని స్వాధీనం చేసుకునేందుకు అన్ని జిల్లాల్లో స్పెషల్ డ్రైవ్ చేపడుతున్నామన్నారు.

తిరుమల, జూలై 10: తిరుమలలో ఆదివారం కూడా భక్తుల రద్దీ కొనసాగింది. వరుస సెలవులకు వారాంతపు సెలవులు తోడుకావడంతో శని, ఆదివారాల్లో తిరుమలకు భక్తులు పోటెత్తారు. దీంతో శ్రీవారిని దర్శించుకునేందుకు భక్తులు గంటల తరబడి క్యూలైన్లలో వేచి ఉండే పరిస్థితి ఏర్పడింది. ఆదివారం సాయంత్రం 6 గంటలకు అందిన సమాచారం మేరకు ఉచిత క్యూలైన్లలో వెళ్లి స్వామివారిని దర్శించుకునే భక్తులకు 10 గంటల సమయం పడుతోంది.

హైదరాబాద్:కారులో వెడుతూండగా అతివేగంగా వచ్చి అదుపుతప్పిన మరోవాహనం మీదపడిన సంఘటనలో తీవ్రంగా గాయపడిన పదేళ్ల చిన్నారి రమ్య మృతిచెందింది. పాఠశాలలో చేరిన తొలిరోజు ఇంటికి వస్తూండగా ఈ ప్రమాదం జరిగిన విషయం తెలిసిందే. వారంరోజులుగా వెంటిలేటర్‌పై చికిత్స పొందుతున్న ఆమె శనివారం రాత్రి తుదిశ్వాస విడిచింది. కాగా ఈ సంఘటనలో ఆమెతల్లి, మామయ్యకూడా తీవ్రంగా గాయపడ్డారు.