హైదరాబాద్, మార్చి 30: చంద్రబాబు ప్రభుత్వం ప్రజల్లోకి వెళ్లే ధైర్యం లేకనే తాము ద్రవ్య వినిమయ బిల్లుపై కోరిన డివిజన్‌ను వ్యతరేకించి మూజువాణి ఓటుతో ఆమోదించి అసెంబ్లీని వాయిదా వేశారని ప్రతిపక్ష నేత వైఎస్ జగన్మోహన్ రెడ్డి అన్నారు. డివిజన్‌కు అంగీకరిస్తే పార్టీ మారిన వైకాపా ఎమ్మెల్యేలు ప్రభుత్వానికి వ్యతిరేకంగా ఓటు వేస్తే పరువుపోతుందనే భయంతో చంద్రబాబు ఉన్నారని ఆయన ఆరోపించారు.

హైదరాబాద్, మార్చి 30: ఆంధ్రప్రదేశ్ ప్రభుత్వం ప్రతిపాదించిన ద్రవ్య వినిమయ బిల్లుకు నిరసనల మధ్య మూజువాణి ఓటుతో అసెంబ్లీ ఆమోదం తెలిపింది. ఆర్థిక మంత్రి యనమల రామకృష్ణుడు ద్రవ్య వినిమయ బిల్లును ప్రతిపాదించగా వైకాపా సభ్యుడు కె. గోవర్దన్‌రెడ్డి, టిడిపి పక్షాన కాల్వ శ్రీనివాస్, బిజెపి సభ్యుడు విష్ణువర్దన్ తదితరులు మాట్లాడారు.

హైదరాబాద్, మార్చి 30: ఆంధ్రప్రదేశ్ శాసనసభ, శాసన మండలి బడ్జెట్ సమావేశాలు బుధవారం ముగిశాయి. రెండు సభలు నిరవధికంగా వాయిదాపడ్డాయి. శాసనసభ 15 రోజుల పాటు కొనసాగింది. 86 గంటల 25 నిమిషాల పాటు అజెండా చేపట్టామని స్పీకర్ కోడెల శివప్రసాదరావు ప్రకటించారు. టిడిపి 60 గంటలు, వైకాపా 21 గంటలు, బిజెపి నాలుగున్నర గంటల సమయాన్ని వినియోగించుకున్నాయి. 124 ప్రశ్నలకు మంత్రులు సమాధానం ఇచ్చారు.

హైదరాబాద్: ఎపి బడ్జెట్‌లో సంక్షేమ రంగానికి తగినన్ని నిధులు కేటాయించలేదని అసెంబ్లీలో విపక్ష నేత వైఎస్ జగన్ అన్నారు. ఆయన అసెంబ్లీ సమావేశాలు ముగిశాక మీడియాతో మాట్లాడుతూ, కేంద్రం నుంచి గానీ, ఆర్‌బిఐ నుంచి గానీ ఎలాంటి అనుమతులు లేకుండానే పబ్లిక్ డిపాజిట్లను రాష్ట్ర ప్రభుత్వం యథేచ్ఛగా వాడుకుంటోందన్నారు. అసెంబ్లీ సమావేశాల్లో తమదే నైతిక విజయం అని ఆయన చెప్పారు.