అమరావతి: ఆంధ్రప్రదేశ్ రాజధాని అమరావతిని వరద నీరు ముంచెత్తకుండా కాపాడేందుకు గుంటూరు జిల్లా ఉండవల్లి కరకట్ట వద్ద నిర్మిస్తున్న కొండవీటి వాగు ఎత్తిపోతల పథకాన్ని ఏపీ నీటిపారుదల శాఖ మంత్రి దేవినేని రమణ పరిశీలించారు. ఈ పథకాన్ని ఈనెల 16న ముఖ్యమంత్రి చేతుల మీదుగా ప్రారంభించేందుకు తగు ఏర్పాట్లు చేయాలని మంత్రి అధికారులను ఆదేశించారు. ఈ కార్యక్రమంలో కలెక్టర్ శిశధర్, అర్భన్ ఎస్పీ విజయరావు పాల్గొన్నారు.

హైదరాబాద్‌ : మనుష్యుల అక్రమ రవాణా కేసులో పోలీసులు అరెస్టు చేసిన కాంగ్రెస్‌ పార్టీ సీనియర్‌ నేత-మాజీ ఎమ్మెల్యే జగ్గారెడ్డిని మంగళవారం పోలీసులు గాంధీ ఆసుపత్రికి తరలించారు. అక్కడ వైద్య పరీక్షలు నిర్వహించారు. అనంతరం ఆయనను ఉత్తర మండల డిసిపి కార్యాలయానికి తరలించారు. అక్కడ జగ్గారెడ్డి మీడియాతో మాట్లాడుతూ.. రాజకీయ కక్ష్య సాధింపుతోనే కెసిఆర్‌, హరీశ్‌రావులు కుట్ర చేసి అరెస్టు చేశారని ఆరోపించారు.

జగిత్యాల : కొండగట్టు ఘాట్‌రోడ్డుపై మంగళవారం జగిత్యాలకు చెందిన ఆర్‌టిసి బస్సు బోల్తా పడింది. ప్రమాదంలో 10 మందికి పైగా మృతి చెందగా, పలువురికి గాయాలయ్యాయి. స్థానికులు, భక్తులు సహాయ చర్యలు చేపడుతున్నారు. బస్సులో ఇరుక్కుపోయిన బాధితులను బయటకు తీయడానికి స్థానికులు తీవ్రంగా శ్రమిస్తున్నారు.

అమరావతి, సెప్టెంబర్ 10: శ్రీకాకుళం జిల్లా ఉద్దానంలో కిడ్నీ వ్యాధిగ్రస్తులకు అవసరమైన వైద్యసేవలు క్రమం తప్పకుండా అందిస్తున్నామని ముఖ్యమంత్రి చంద్రబాబునాయుడు వివరణ ఇచ్చారు. క్రమం తప్పకుండా డయాలసిస్ నిర్వహిస్తున్నారని, అన్నిరకాల చర్యలతో రోగుల సంఖ్య తగ్గుముఖం పట్టిందని తెలిపారు.