రాజమహేంద్రవరం, సెప్టెంబర్ 9: రానున్న ఎన్నికల్లో బ్రాహ్మణులు పోటీ చేయాలని, ఎవరు ఎక్కడ నుంచి పోటీ చేసినప్పటికీ బ్రాహ్మణ సేవా సంఘ సమాఖ్య అండగా ఉంటుందని రాజమహేంద్రవరంలో నిర్వహించిన సమావేశంలో తీర్మానించారు. ఈ సమావేశంలో రాష్ట్ర వ్యాప్తంగా హాజరైన ప్రతినిధులు పలు అంశాలపై కీలక తీర్మానాలు చేయడం ప్రత్యేకత సంతరించుకుంది.

విజయవాడ, సెప్టెంబర్ 8: ప్రధాని నరేంద్ర మోదీ, బీజేపీ అధ్యక్షుడు అమిత్‌షాలు ఆంధ్రప్రదేశ్ రాష్ట్రం పట్ల కుటిల రాజకీయం చేస్తున్నారంటూ తెలుగుదేశం పార్టీ రాష్ట్ర ప్రధాన కార్యదర్శి, ఎపీఎస్ ఆర్టీసీ చైర్మన్ వర్ల రామయ్య ధ్వజమెత్తారు. స్థానిక టీడీపీ కార్యాలయంలో శనివారం జరిగిన విలేఖరుల సమావేశంలో ఆయన మాట్లాడుతూ చంద్రబాబును సాధించాలన్న ఏకైక లక్ష్యంతో రాష్ట్ర ప్రజలను కేంద్రం ఇబ్బందులపాలు చేస్తోందన్నారు.

విజయవాడ, సెప్టెంబర్ 8: రాష్ట్రంలో జ్వరాల నియంత్రణకు ప్రభుత్వ యంత్రాంగం చురుగ్గా కదులుతోంది. ముఖ్యమంత్రి నారా చంద్రబాబు నాయుడు ఈ విషయంపై ప్రత్యేక దృష్టి సారించారు. ప్రతి రోజూ రాష్ట్రంలో జ్వరాల పరిస్థితి ఎలా ఉందనే అంశం మీద ముఖ్యమంత్రి క్షేత్రస్థాయి నివేదికలు తెప్పించుకుని సమీక్షిస్తున్నారు. సోమవారానికల్లా పరిస్థితులు అదుపులోకి రావాలని అధికారులను ఆదేశించారు.

అమరావతి, సెప్టెంబర్ 8: అమెరికాలోని సిన్సినాటిలో జరిగిన కాల్పుల్లో గుంటూరు జిల్లా తెనాలికి చెందిన పృథ్వీరాజ్ మృతిచెందటం పట్ల రాష్ట్ర ముఖ్యమంత్రి చంద్రబాబునాయుడు తీవ్ర విచారాన్ని వ్యక్తంచేశారు. ఆయన కుటుంబ సభ్యులకు ప్రగాఢ సానుభూతి తెలిపారు. ఇటీవల కాలంలో తెలుగుప్రజలు ఎక్కువగా ఇలాంటి సంఘటనలకు బలికావటం పట్ల ఆందోళన వ్యక్తంచేశారు. పృథ్వీరాజ్ కుటుంబానికి ప్రభుత్వం అండగా ఉంటుందని భరోసా ఇచ్చారు.