విజయవాడ, సెప్టెంబర్ 10: పెట్టుబడి నిధి, పసుపుకుంకుమ కింద రాష్ట్రంలోని గ్రామీణ, పట్టణ ప్రాంతాల్లోని డ్వాక్రా సంఘాలకు రూ.8,604.20 కోట్ల నిధులను మంజూరు చేశామని, తొలి మూడు విడతల్లో రూ.6,883.44 కోట్లు నిధులు వారి ఖాతాల్లో జమ చేశామని రాష్ట్ర మహిళాభివృద్ధి, శిశు సంక్షేమ, సెర్ప్ శాఖామంత్రి పరిటాల సునీత పేర్కొన్నారు.

విజయవాడ, సెప్టెంబర్ 10: రాయలసీమలో ప్రజలకు మంచినీటితోపాటు సాగునీరు కూడా అందించాలని ఏపీ రైతు సంఘం అధ్యక్షులు వై కేశవరావు, ప్రధాన కార్యదర్శి పీ పెద్దిరెడ్డి, ఉపాధ్యక్షులు పీ నరసింహారావు సోమవారం ఓ ప్రకటనలో విజ్ఞప్తి చేశారు. ఆగస్టు నెలలో ఎగువన కురిసిన వర్షాలకు శ్రీశైలం, నాగార్జునసాగర్ ప్రాజెక్టులు పూర్తిగా నిండాయన్నారు. గత ఏడాది కన్నా 190 టీఎంసీల నీరు అదనంగా ఉన్నదన్నారు.

గుంటూరు, సెప్టెంబర్ 10: బ్రాహ్మణుల సమస్యల పట్ల ఏమాత్రం చిత్తశుద్ధి లేని వ్యక్తి ప్రతిపక్ష నేత వైఎస్ జగన్మోహనరెడ్డి అని, అనువణువునా బ్రాహ్మణ ద్వేషం నిండిన పార్టీ ఏదైనా ఉందంటే అది వైసీపీయేనని ఆంధ్రప్రదేశ్ రాష్ట్ర బ్రాహ్మణ సంక్షేమ సంస్థ చైర్మన్ వేమూరి ఆనందసూర్య విమర్శించారు. విశాఖపట్నంలో వైసీపీ ఆధ్వర్యాన జరిగిన బ్రాహ్మణ ఆత్మీయ సమ్మేళనం ఒక ఫ్లాప్‌షో అని అభివర్ణించారు.

అమరావతి, సెప్టెంబర్ 10: ప్రభుత్వం రైతులకు అన్నివేళలా అండగా నిలుస్తుందని ముఖ్యమంత్రి చంద్రబాబునాయుడు భరోసా ఇచ్చారు. నీరు- ప్రగతి, వ్యవసాయంపై సోమవారం ఉన్నతాధికారులు, జిల్లా కలెక్టర్లతో టెలీకాన్ఫరెన్స్ నిర్వహించారు. ఈ ఏడాది దిగుబడులు పెంచే దిశగా కార్యాచరణ రూపొందించాలని ఆదేశించారు. తెగుళ్ల నియంత్రణ పట్ల పూర్తి అప్రమత్తంగా వ్యవహరించాలి..రైతుల్లో అవగాహన కల్పించాలన్నారు.