విశాఖపట్నం, ఆగస్టు 27: ఆరు దశాబ్దాలపాటు ఉపాధ్యాయ నేతగా అనేక ఉద్యమాలు నడిపిన ఏపీటీఎఫ్ సీనియర్ నాయకుడు గుల్లపల్లి సింహాద్రప్పడు సోమవారం కన్నుమూశారు. ఆయన కొంత కాలంగా అనారోగ్యంతో బాధపడుతున్నారు. హైదరాబాద్ కేర్‌లో చికిత్స పొందుతూ సోమవారం ఉదయం ఆయన మరణించారు. ఆయన పార్థివదేహాన్ని విశాఖకు తీసుకువస్తున్నారు. మంగళవారం అంత్యక్రియలు జరగనున్నాయి.

రాజమహేంద్రవరం, ఆగస్టు 27: ఘోర వరదల కారణంగా అపార నష్టం వాటిల్లిన కేరళ రాష్ట్రానికి కేవలం రూ.600 కోట్ల సాయం కేంద్రం ప్రకటించడం శోచనీయమని రాజమహేంద్రవరం ఎంపీ మాగంటి మురళీమోహన్ వ్యాఖ్యానించారు. కేరళ ప్రజలు తేరుకోవడానికి చాలా కాలం పడుతుందన్నారు. రాజమహేంద్రవరంలోని తన కార్యాలయంలో సోమవారం ఆయన మీడియాతో మాట్లాడారు.

విజయవాడ, ఆగస్టు 27: రాష్ట్రంలో నూతన రాజకీయ ప్రత్యామ్నాయమే లక్ష్యంగా వచ్చే నెల 15న విజయవాడలో మహాగర్జన నిర్వహిస్తున్నామని, దీనికి ప్రజల సహకారాన్ని కోరుతూ సీపీఐ, సీపీఎం ఐక్యంగా బస్సు జాతాలు చేపడుతున్నాయని సీపీఐ రాష్ట్ర కార్యదర్శి కే రామకృష్ణ పేర్కొన్నారు. విజయవాడ దాసరి భవన్‌లో సోమవారం మహాగర్జన పోస్టర్‌ను, ప్రచార గీతాల సీడీనీ సీపీఐ, సీపీఎం నేతలు విడుదల చేశారు.

గుంటూరు, ఆగస్టు 26: ఒక నిర్ణయం ఎంతటి సంక్షోభాన్ని సృష్టిస్తుందో గుంటూరు జిల్లా చిలకలూరిపేట నియోజకవర్గ వైఎస్‌ఆర్ కాంగ్రెస్ పార్టీని చూస్తే తెలుస్తుంది. నిన్నమొన్నటి వరకు ప్రశాంతంగా తమ పార్టీకి ఎదురులేదనుకున్న పరిస్థితుల్లో తా జాగా పార్టీ అధిష్ఠానం తీసుకున్న నిర్ణయంతో పరిస్థితి ఒక్కసారిగా అల్లకల్లోలంగా మారింది.