విశాఖపట్నం, ఆగస్టు 25: వైసీపీ అధినేత జగన్మోహన్ రెడ్డిని విశ్రాంత డీజీపీ నండూరి సాంబశివరావు స్వయంగా కలుసుకోవడం సంచలనం రేకెత్తిస్తోంది. విశాఖ జిల్లాలో ప్రజా సంకల్ప యాత్రలో భాగంగా శనివారం యలమంచిలి అసెంబ్లీ నియోజకవర్గం అచ్యుతాపురం మండల ధారభోగాపురం వద్ద జగన్ విడిది చేయగా, సాంబశివరావు కలుసుకున్నారు. జగన్‌ను కలిసిన సాంబశివరావు దాదాపు 15 నిముషాల పాటు ఏకాంతంగా చర్చించారు.

విజయవాడ, ఆగస్టు 25: ఆదరణ-2 లబ్ధిదారుల ఎంపిక ప్రక్రియ పూర్తయ్యేంత వరకు సైనికుల్లా పనిచేద్దామని, క్షేత్రస్థాయిలో ఎదుర్కొంటున్న ఇబ్బందులకు పరిష్కారం చూపుదామని రాష్ట్ర బీసీ సంక్షేమ శాఖ ముఖ్య కార్యదర్శి బీ ఉదయలక్ష్మి అన్నారు. శనివారం నగరంలోని ఓ హోటల్‌లో సమర్థవంతంగా ఆదరణ-2 అమలు, విధివిధానాలపై జరిగిన రాష్టస్థ్రాయి సమావేశంలో ఆమె ముఖ్యఅతిథిగా మాట్లాడారు.

పాడేరు, ఆగస్టు 25: వచ్చే సార్వత్రిక ఎన్నికల్లో టీడీపీ 130 శాసనసభ స్థానాల్లో విజయకేతనం ఎగురవేసి మళ్లీ అధికార పగ్గాలను చేపట్టబోతుందని రాష్ట్ర ప్రొహిబిషన్ అండ్ ఎక్సైజ్ శాఖ మంత్రి కె.ఎస్. జవహార్ ధీమా వ్యక్తం చేశారు. స్థానిక ఎమ్మెల్యే క్యాంపు కార్యాలయంలో శనివారం ఏర్పాటు చేసిన విలేఖరుల సమావేశంలో ఆయన మాట్లాడారు.

కర్నూలు, ఆగస్టు 25: శ్రీశైలం జలాశయానికి నీటి చేరిక గణనీయంగా తగ్గిపోవడంతో శనివారం నాలుగు గేట్లు మూసివేశారు. జలాశయానికి అధిక మొత్తంలో వరద రావడంతో మూడురోజుల క్రితం ఒకేసారి 8 గేట్లు ఎత్తిన అధికారులు 24 గంటల తరువాత నాలుగు గేట్లను దించివేశారు. తాజాగా శనివారం ఉదయం రెండు గేట్లు, రాత్రి మిగతా రెండు గేట్లు మూసివేశారు. శనివారం సాయంత్రం జలాశయం నీటిమట్టం 883.10 అడుగులుగా నమోదైంది.