మాచవరం, సెప్టెంబర్ 2: పులిచింతల ముంపు ప్రాంతాలైన రేగులగడ్డ, వెల్లంపల్లి గ్రామాల్లో ఆదివారం పులిచింతల స్పెషల్ కలెక్టర్ విజయచందర్ ఆధ్వర్యంలో బాధితులను బలవంతంగా ఖాళీ చేయించారు. నష్టపరిహారం ఇంకా రావాల్సి ఉంటే తప్పనిసరిగా రెండురోజుల్లో అందజేస్తామని, పరిహారం కన్నా ప్రాణం ముఖ్యమని, ప్రభుత్వ అధికారుల మాటలు వినాలని, తక్షణమే పునరావాస కేంద్రాలకు వెళ్లాలని సూచించారు.

విజయవాడ, సెప్టెంబర్ 2: పోలవరం ప్రాజెక్టును ఇప్పటివరకు లక్షలాది మంది ప్రజలు సందర్శించి ప్రశంసిస్తుంటే ప్రతిపక్ష నేత జగన్ కనీసం ప్రాజెక్టును చూడకుండా తన అనుచరుల చేత కేసులు వేయిస్తూ అడ్డుకోవాలని నాటకాలాడుతున్నారని జలవనరుల శాఖ మంత్రి దేవినేని ఉమామహేశ్వరరావు విమర్శించారు.

హైదరాబాద్/ శామీర్‌పేట: తెలంగాణ రాష్ట్ర సమితి ప్రతిష్టాత్మకంగా చేపట్టిన ప్రగతి నివేదిక సభకు భారీగా గులాబీ దండు కదిలింది. ప్రతిపక్ష పార్టీల విమర్శలకు దీటుగా లక్షలాది వాహనాలను టీఆర్‌ఎస్ కార్యకర్తలు సభకు హాజరయ్యారు. ఆదివారం మధ్యాహ్నం సభా ప్రాంగణం మినహా పరిసర ప్రాంతాల్లో అక్కడక్కడ వర్షం కురియడంతో సభ నిర్వహిస్తారా లేదా అనే ఆందోళన చెందిన పార్టీవర్గాలకు వరుణుడు కరుణించాడు.

హైదరాబాద్, సెప్టెంబర్ 1: జాతీయ ప్రవేశపరీక్షల ప్రక్రియ మొదలైంది. నేషనల్ టెస్టింగ్ ఏజన్సీతో పాటు మిగిలిన సంస్థలు జాతీయ స్థాయి ప్రవేశపరీక్షల నోటిఫికేషన్లు జారీ చేశాయి. యూజీసీ నెట్ డిసెంబర్ పరీక్షకు సోమవారం నాడు రిజిస్ట్రేషన్ మొదలైంది. సెప్టెంబర్ 30 వరకూ దరఖాస్తు చేసుకునే వీలుంది. నవంబర్ 19 నుండి అడ్మిట్ కార్డులను జారీ చేస్తారు. పరీక్ష డిసెంబర్ 9 నుండి మొదలై 23 వరకూ జరుగుతుంది.