విజయవాడ, ఆగస్టు 26: చిత్తూరు జిల్లా తిరుపతికి సమీపంలోని మన్నవరంలో నిర్మించ తలపెట్టిన ఎన్‌బీపీపీఎల్ (ఎన్‌టీపీసీ - బిఇఎల్‌ఎల్ పవర్ ప్రాజెక్టు లిమిటెడ్) ప్రాజెక్టు గుజరాత్‌కు తరలిపోనుందని వస్తున్న వార్తలు, కేంద్రం దుశ్చర్యను తక్షణం నిలువరించేందుకు రాష్ట్ర ప్రభుత్వం తగిన చర్యలు తీసుకోవాలని, మన్నవరంలో పరిశ్రమ కొనసాగేలా చూడాలని, దీనికోసం కేంద్రంపై ఒత్తిడి తేవాలని వామపక్ష పార్టీల రాష్ట్ర నేతలు కోరారు.

విశాఖపట్నం, ఆగస్టు 26: టీడీపీ ముఖ్యమంత్రి చంద్రబాబు పాలనతో పోలిస్తే స్వాతంత్య్రానికి పూర్వ బ్రిటీష్ వాళ్లే నయమనిపిస్తోందని వైసీపీ మహిళా విభాగం అధ్యక్షురాలు ఆర్కే రోజా విరుచుకుపడ్డారు. విశాఖలో ఆదివారం నిర్వహించిన విలేఖరుల సమావేశంలో ఆమె మాట్లాడారు. చంద్రబాబు పాలనలో మహిళలకు రక్షణ లేదని మండిపడ్డారు.

విజయవాడ, ఆగస్టు 26: రాష్ట్రంలో ఏదోవిధంగా అలజడులు సృష్టించాలని బీజేపీ ఎంపీ జీవీఎల్ నరసింహరావు వ్యూహరచన చేశారని శాసనమండలిలో ప్రభుత్వ విప్ బుద్దా వెంకన్న ఆరోపించారు. ఆదివారం ఆయన నగరంలో విలేఖరులతో మాట్లాడుతూ అబద్ధాలు చెప్పీచెప్పీ ఆయన ఎంపీ పదవి దక్కించుకున్నారని విమర్శించారు. ఆయన కారు ఢీకొని రోడ్డు ప్రమాదంలో మరణించిన, గాయపడిన ఇద్దరి కుటుంబాల బాధ్యతను జీవీఎల్ తీసుకోవాలని డిమాండ్ చేశారు.

కోడూరు/ చల్లపల్లి, ఆగస్టు 26: గల్లంతైన ఎసఐ మృతదేహాన్ని అధికారులు కనుగొన్నారు.కృష్ణా జిల్లా ఘంటసాల మండలం పాపవినాశనం వద్ద పంటకాల్వలో గల్లంతైన తూర్పుగోదావరి జిల్లా రామచంద్రపురం ఎస్‌ఐ కోట వంశీధర్ మృతదేహం ఆదివారం లభ్యమైంది. చల్లపల్లి మండలం మంగళాపురం సమీపంలోని 9వ నెంబరు పంటకాల్వ వద్ద కనిపించింది. ఎస్‌ఐ వంశీధర్ మృతదేహాన్ని అవనిగడ్డ ప్రభుత్వ ఆస్పత్రికి తరలించి పోస్టుమార్టం నిర్వహించారు.