న్యూఢిల్లీ, సెప్టెంబర్ 2: విదేశీ మదుపరులు ఆగస్టు నెలలో భారత క్యాపిటల్ మార్కెట్లలో నికరంగా రూ. 5,100 కోట్లకు పైగా నిధులను పెట్టుబడులుగా పెట్టారు. వీటిలో రూ. 1,775 కోట్ల నిధులను ఈక్విటీ మార్కెట్లలో, రూ. 3,414 కోట్ల నిధులను డెబిట్ మార్కెట్లలో పెట్టుబడులుగా పెట్టారు. దేశీయ క్యాపిటల్ మార్కెట్లలోకి విదేశీ మదుపరుల నిధులు తరలిరావడం ఇది వరుసగా రెండో నెల.

న్యూఢిల్లీ, సెప్టెంబర్ 2: మన దేశం నుంచి రత్నాలు, ఆభరణాల ఎగుమతులు ఈ ఆర్థిక సంవత్సరం ఏప్రిల్-జూలై మధ్య కాలంలో సుమారు అయిదు శాతం తగ్గి, 10.64 బిలియన్ డాలర్ల విలువకు చేరుకున్నాయి. ప్రధాన అభివృద్ధి చెందిన మార్కెట్లలో వీటికి డిమాండ్ తగ్గడం వల్ల వీటి ఎగుమతులు తగ్గిపోయాయి.

న్యూఢిల్లీ, సెప్టెంబర్ 1: దేశవ్యాప్తంగా తపాలా బ్యాంకింగ్ సేవలు ప్రారంభమయ్యాయి. భారత పోస్టు బ్యాంకు సేవలను ప్రధాన మంత్రి నరేంద్ర మోదీ శనివారం ఇక్కడ ప్రారంభించారు. తపాలా బ్యాంకింగ్ సేవలు దేశంలోని దాదాపు అన్ని శాఖల్లో గల మూడు లక్షల మంది పోస్టుమ్యాన్‌లు, గ్రామీణ డాక్ సేవక్‌ల ద్వారా ప్రజలకు అందుబాటులో ఉండడనున్నాయి.

న్యూఢిల్లీ, సెప్టెంబర్ 1: దేశంలో గృహ, వాహన, ఇతర రుణాల వడ్డీ రేట్లు పెరగబోతున్నాయి. ఎందుకంటే దేశంలోని అతి పెద్ద బ్యాంకు స్టేట్ బ్యాంక్ ఆఫ్ ఇండియా (ఎస్‌బీఐ) శనివారం బెంచ్‌మార్క్ వడ్డీ రేట్లను (ఎంసీఎల్‌ఆర్‌ను) 0.2 శాతం పెంచింది. ఇతర బ్యాంకులు కూడా తమ బెంచ్‌మార్క్ వడ్డీ రేట్లను పెంచే అవకాశం ఉంది.