హైదరాబాద్, అక్టోబర్ 2: దేశంలో 2020 నాటికి సెరామిక్ పరిశ్రమ రూ.50 వేల కోట్ల టర్నోవర్‌కు చేరుకుంటుందని ఆ పరిశ్రమ వర్గాలు తెలిపాయి. ఈ పరిశ్రమకు మరింత ఊతమిచ్చేందుకు నవంబర్ 16 నుంచి 19 వరకు గుజరాత్‌లోని గాంధీనగర్‌లో అతిపెద్ద సిరామిక్ ప్రదర్శన నిర్వహిస్తున్నట్లు ఆ పరిశ్రమ వర్గాలు స్పష్టం చేశాయి. మేకిన్ ఇండియాలో భాగంగా భారీ ప్రదర్శన గాంధీనగర్‌లో నిర్వహిస్తున్నట్లు తెలిపింది.

న్యూఢిల్లీ, అక్టోబర్ 2: రానున్న పదేళ్లలో భారత్ ప్రపంచంలోనే అత్యంత వేగవంతంగా అభివృద్ధి చెందుతున్న పెద్ద ఆర్థిక వ్యవస్థగా ఆవిర్భవిస్తుందని, డిజిటైజేషన్, జనాభా పరమైన సానుకూల పరిస్థితులు, ప్రపంచీకరణ, సంస్కరణలు ఇందుకు ఆలంబనగా నిలుస్తాయని అంతర్జాతీయ ఆర్థిక సేవల సంస్థ మోర్గాన్ స్టాన్లీ తన తాజా నివేదికలో అభిప్రాయపడింది.

న్యూఢిల్లీ, అక్టోబర్ 2: యూరియా ఉత్పత్తిలో భారత్ స్వయం సమృద్ధి సాధించేలా చూడటంతో పాటు దిగుమతులు తగ్గించుకోవడం కోసం దేశంలో మూతపడిన నాలుగు ఎరువుల కర్మాగారాలను 2020-21 నాటికల్లా పునరుద్ధరించడానికి మిగులు నిధులు పుష్కలంగా ఉండే బొగ్గు, విద్యుత్, చమురు రంగాలకు చెందిన ప్రభుత్వ రంగ సంస్థలు 30 వేల కోట్ల దాకా పెట్టుబడులు పెట్టనున్నాయి.

న్యూఢిల్లీ, అక్టోబర్ 1: ఒఎన్‌జిసి చైర్మన్, మేనేజింగ్ డైరెక్టర్‌గా శశి శంకర్ ఆదివారం బాధ్యతలు చేపట్టారు. ఇప్పటివరకు సిఎండిగా ఉన్న దినేష్ కె.సర్రాఫ్ శనివారం పదవీ విరమణ చేయడంతో ఆయన స్థానంలో శశి శంకర్ బాధ్యతలు చేపట్టారు. చమురు అనే్వషణ, ఉత్పత్తి రంగాల్లో శశి శంకర్‌కు 30 ఏళ్లకు పైగా అనుభవం ఉందని కంపెనీ ఒక ప్రకటనలో తెలిపింది.