ముంబయి, సెప్టెంబర్ 16: అమెరికా ఫెడరల్ రిజర్వ్ వడ్డీ రేట్లను పెంచుతుందన్న భయాలతో వారం ప్రారంభంలో భారీగా నష్టపోయిన దేశీయ స్టాక్ మార్కెట్లు వారం చివరి నాటికి ఓ మోస్తరుగా కోలుకున్నాయి. శుక్రవారం వరసగా మూడో రోజు కూడా సెనె్సక్స్ 186 పాయింట్లు లాభపడి వారం రోజుల గరిష్ఠ స్థాయి అయిన 28,599.03 పాయింట్లకు చేరుకుంది.

న్యూఢిల్లీ, సెప్టెంబర్ 16: జీరో బ్యాలెన్స్ ఖాతాల సంఖ్యను తక్కువగా చూపేందుకు జన్ ధన్ ఖాతాల్లో బ్యాంకర్లే సొమ్మును డిపాజిట్ చేశారా? లేక ఆ సొమ్మును ఖాతాదారులే డిపాజిట్ చేసుకున్నారా? అనే అంశంపై ప్రభుత్వ రంగంలోని నాలుగు బ్యాంకులు శాఖాపరమైన దర్యాప్తు జరుపుతున్నాయని కేంద్ర ఆర్థిక శాఖ మంత్రి అరుణ్ జైట్లీ శుక్రవారం వెల్లడించారు.

దిల్లీ: రూ. 31 వేల మార్కును దాటిన బంగారం ధర శుక్రవారం కాస్త దిగొచ్చింది. అంతర్జాతీయ మార్కెట్ల ప్రభావంతో ధర తగ్గి రెండు వారాల కనిష్ఠానికి చేరింది. 99.9 స్వచ్ఛత గల పది గ్రాముల పసిడి ధర రూ. 31వేలుగా ఉంది. సింగపూర్‌ మార్కెట్లో ఔన్సు బంగారం ధర 1,313.10 అమెరికన్‌ డాలర్లుగా ఉంది. వెండి ధర కూడా శుక్రవారం రూ. 350 తగ్గింది. కేజీ వెండి ధర రూ. 45,100గా దేశీయ మార్కెట్లో ఉంది.

న్యూఢిల్లీ, సెప్టెంబర్ 15: రూపాయి విలువను తగ్గించాలని కేంద్ర ప్రభుత్వం యోచిస్తున్నట్లు వార్తలు వెలువడటంతో గురువారం ఉదయం దేశీయ కరెన్సీ విలువ అకస్మాత్తుగా పతనమైంది. దీంతో కేంద్ర ఆర్థిక మంత్రిత్వ శాఖ అధికారులు రంగంలోకి దిగి, రూపాయి విలువను తగ్గించాలన్న ఆలోచనలేమీ లేవని, ఇకముందు కూడా దీని విలువను మార్కెట్టే నిర్ణయిస్తుందని స్పష్టం చేశారు.