ముంబయి, జనవరి 6: అంతర్జాతీయ స్టాక్ మార్కెట్ల నుంచి అందుకున్న ప్రతికూల సంకేతాల మధ్య దేశీయ స్టాక్ మార్కెట్లు బుధవారం నష్టాలపాలయ్యాయి. ఈ వారం ఆరంభం నుంచి నష్టాల్లోనే కొనసాగుతున్న సూచీలు.. సోమవారం భారీ స్థాయిలో పతనమైనది తెలిసిందే. మంగళవారం కూడా నష్టాలను అందుకోగా, బుధవారం అదే దారిలో నడిచాయి. బాంబే స్టాక్ ఎక్స్‌చేంజ్ సూచీ సెనె్సక్స్ 174.01 పాయింట్లు పడిపోయి 25,406.33 వద్ద ముగిసింది.

రాజమహేంద్రవరం, జనవరి 5: గోదావరి జిల్లాల్లో పర్యాటకాభివృద్ధికి అపారమైన అవకాశాలు ఉన్నాయని వివిధ వర్గాలకు చెందిన ప్రముఖులు పేర్కొన్నారు. ఎపి చాంబర్ ఆఫ్ కామర్స్ అండ్ ఇండస్ట్రీస్ ఫెడరేషన్ ఆధ్వర్యంలో గోదావరి జిల్లాల్లో పర్యాటకాభివృద్ధికి గల అవకాశాలు, రాజమహేంద్రవరం విమానాశ్రయ అభివృద్ధి అనే అంశాలపై మంగళవారం సదస్సు జరిగింది.

న్యూయార్క్, జనవరి 5: ఫోర్బ్స్ ప్రకటించిన ‘30 అండర్ 30’ ఐదో వార్షిక జాబితాలో 45 మంది భారతీయ, భారత సంతతి వ్యక్తులకు చోటు దక్కింది. వివిధ రంగాల్లో గుర్తింపును పొందిన 30 ఏళ్ల వయసు లోపున్నవారితో ఈ జాబితా తయారైంది. కన్జ్యూమర్ టెక్నాలజీ, ఎడ్యుకేషన్, మీడియా, తయారీ, పారిశ్రామిక, న్యాయ, సామాజిక, శాస్త్ర, సాంకేతిక రంగాల వంటి 20 రంగాలకు చెందిన 600 మంది పురుషులు, మహిళలకు ఈ జాబితాలో స్థానం లభించింది.

ముంబయి, జనవరి 5: దేశీయ స్టాక్ మార్కెట్లు మంగళవారం కూడా నష్టాలకే పరిమితమయ్యాయి. అయితే సోమవారంతో పోల్చితే నష్టాల తీవ్రత చాలా తక్కువగా ఉండగా, అయినప్పటికీ బాంబే స్టాక్ ఎక్స్‌చేంజ్ సూచీ సెనె్సక్స్ రెండు వారాలకుపైగా కనిష్ట స్థాయిని తాకింది. అంతర్జాతీయ ప్రతికూల సంకేతాల మధ్య మదుపరులు కొనుగోళ్లకు పెద్దగా ఆసక్తి చూపలేకపోయారు. ఫలితంగానే సెనె్సక్స్ 43.01 పాయింట్లు కోల్పోయి 25,580.34 వద్ద ముగిసింది.