దానం ఇచ్చేవాళ్ళు గొప్పవాళ్లు.. తీసుకునేవాళ్లు అదృష్టవంతులు. మధ్యలో తన గొప్పతనం ఏం లేదని తన నిరాడంబరతను చాటి చెప్పారు కలెక్టర్ కర్ణన్. ఆపన్నహస్తం పేరుతో కలెక్టర్ చేస్తున్న సేవా ప్రయత్నంపై జనం నుంచి పెద్ద ఎత్తున హర్షం వ్యక్తం అవుతోంది. పేదవారికి తోచిన సాయం చేయడమనేది పూర్వజన్మ సుకృతంగా భావిస్తారు. ఒక పాత టీషర్టుని ఓ నిరుపేద కుర్రాడికిచ్చినా మంచిపని చేసినట్లే.

సహజ సిద్ధంగా మనుషులలో రజో, సాత్విక, తమో గుణాలు ఉంటాయి. రజోగుణం ఉన్నప్పుడు మనలో శారీరక జీవనక్రియలు జరగడంతోపాటు, మనలో సృజనాత్మక చైతన్యం వెల్లివిరుస్తుంది. సత్వ లేక సాత్విక గుణం వలన ప్రశాంతత కలుగుతుంది. ఈ సమయంలో మనస్సు, ఇంద్రియాలు, ఆత్మ ప్రశాంతంగా ఉంటాయి. తమోగుణం సమయంలో మనోవికారాలతోపాటు, వికృత భావాలు, భయాందోళనలు కలుగుతాయి.

అతను ప్రజలను రక్షించటమేకాదు పర్యావరణాన్ని పరిరక్షించాలనే తపన గల పత్య్రేక పోలీసు అధికారి. అయనే బాచుపల్లి పోలీసు ఇన్‌స్పెక్టర్ బాలకృష్ణారెడ్డి. హైదరాబాద్‌లోని బాచుపల్లి పోలీసు స్టేషన్‌కు వెళితే అక్కడ పోలీసు స్టేషన్ భవనంపై పచ్చటి మొక్కలు గాలికి ఊగుతుంటాయి. పర్యావరణ ప్రేమికుడైన ఈ పోలీసు అధికారి ఏ పోలీసు స్టేషన్‌లోకి అడుగుపెడితే అక్కడ ఆ భవనం నందనవనమే.

అరిగిపోయిన టైర్లని పారేసే కాలానికి కాలం చెల్లింది. ఇప్పుడు వాటికి సరికొత్త అందాలను సంతరించుకునేలా చేసే సృజన కొంతమంది చేజిక్కించుకున్నారు. దాంతో టైర్లకు రిటైర్మెంటు లేదని చెప్పొచ్చు. చాలాకాలం వాహనాల బరువు మోసి రోడ్లపై తిరుగాడిన టైర్లు ఇప్పుడు వివిధాకృతులతో ఏసీ రూముల్లో ఠీవిగా బైఠాయిస్తున్నాయి.