ఆ శాపవృత్తాంతం ఏమిటంటే భోజవృష్ణి కుకురాంధక యాదవ వంశాలన్నిటికీ గర్గ మహర్షి కులగురువు. చిరకాలం నుంచీ ఇది ప్రవర్తితమవుతున్నది. ఆయన మహాముని. ఇంద్రియజయుడు. అస్ఖలిత బ్రహ్మచారి. దివ్య తపస్సంపన్నుడు. ఒక రోజున సకల యాదవ సభలో ఆయన ఉండగా ఏ దేశం నుంచి వచ్చాడో, వాడెవడో, ఏ కారణంచేత యాదవులను గర్గ మహర్షి వల్ల శాపదగ్థులను చేయాలని కపటమతి అయినాడో కాని వాడు ఆ సభకు వచ్చాడు.

అక్కడికి యమున దగ్గరలో లేదు. అందువల్ల గోకులానికే తానున్న చోటికే కాళింది (యమున)ని రప్పించుకోవాలని తెప్పించుకోవాలని ఆ బలదేవుడికి కోరిక కలిగింది.

ఈ గదాయుద్ధంలో ఒకరికొకరు ఎంత మాత్రం తీసిపోలేదు. ఒకరిని మింగేట్లు ఒకరు సింహనాదాలు చేశారు. ఒకరు ప్రదక్షిణ వలయంలో గద ఎత్తి శత్రువును మోదాలని గుండ్రంగా పరిభ్రమిస్తుండగా, వేరొకరు అప్రదక్షిణంగా మండలాకారంలో శత్రువును గదా ప్రహరంతో నొప్పించాలని పదఘట్టనం చేస్తూ గదా యుద్ధ మెళుకువులతో విక్రమ విహారం చేశారు. వాళ్ళ గదలు ఒకదానితో ఒకటి తాకినపుడు పిడుగు చ్పుడులు చేస్తూ భయంకర దృశ్యాన్ని సృష్టించాయి రణరంగంలో.

అప్పుడు చేసేదేమీ లేక చిత్రసేనుడు పరిఘాయుధంతో బలరాముడిపై వచ్చి పడ్డాడు. అతణ్ణి చంపివేయాలని హలాయుధుడు వరుస బాణాలు వేయటానికి సన్నద్ధుడవుతుండగా జరాసంధుడు తన సేనాధిపతిని రక్షించాలని బలరాముడి చేతి విల్లును కూల్చివేశాడు. దీనితో హలాయుధుడు కోపించి తన పెను గదతో ఉరికి జరాసంధుడి రధ హయాలను చావమోదాడు. జరాసంధుడిక చేసేదేమీ లేక తానూ ఒక పెద్ద గద తీసుకొని హలాయుధుడితో ద్వంద్వ యుద్ధానికి తలపడ్డాడు.