‘‘అటెండర్‌నండి..’
‘‘ఇప్పుడు ఫ్లాట్స్ ఎలా ఉన్నాయి రేట్లు?’’ అనిరుధ్ అడిగాడు.
‘‘బాగా పెరిగాయండి..’’
‘‘ఎందుకని?..’’
‘‘ఎందుకంటే.. కారణం అంటూ ఉండదండి.. ఈళ్లు పెంచేత్తుంటారు.. అంతేనండి.. మీరేవన్నా కొందావనుకుంటున్నారా?’’
‘‘అవును.. అందుకే వచ్చాం..’’ అనిరుధ్ చెప్పాడు.
‘‘ఎవర్ని కలిస్తే సరైన వివరాలు చెబుతారు?..’’ కొండబాబు అడిగాడు.

తను రిక్షా తొక్కేటప్పుడు, సంసారం కోసమని, కూటికోసమనీ, ఇలా ఏదో కారణాలు చెప్పి పడుపు వృత్తికి లాడ్జిలకు వచ్చే యువతులు ఇపుడు నారాయణకి గుర్తుకొస్తున్నారు. లవ్వు పేరు చెప్పి తన కూతుళ్లు ఎప్పుడేనా అలా లాడ్జిలకు వెళుతున్నారా వాళ్ల లవర్స్‌తో.. అన్న ఆలోచన వచ్చినపుడు నారాయణ వళ్ళు గగుర్పొడుస్తుంది. అతడు అలాంటి గగుర్పాటులో వున్నపుడే రహీం నుంచి ఫోనొచ్చింది.

నర్స్ ముందు కంగారు పడింది. తర్వాత ఎందుకు అనడిగింది.
‘‘వేరే ఒక టెస్టు చేయించాలి.. అందుకాయన ఒప్పుకోవడంలేదు.. ఆయన మంచికోసమే..’’ చెప్పాడు చాలా నమ్మకంగా. ఆమె అయిష్టంగా, ఆమెకు తనదగ్గరున్న బాటిల్ ఇచ్చాడు, అందులో బ్లడ్ నింపమని. ఆమె వెళ్లింది సిరెంజ్ తీసుకుని డాక్టర్‌గారి రూములోకి. ఆమె వెనుకే వీరబాహూ వచ్చాడు.

‘‘సరే! వెళ్లు.. జాగ్రత్త..’’ అని సోఫాలోంచి లేచాడు రహీంపాషా. వెనక్కి తిరిగి రహీం వెళ్లబోతూ తూలి పడబోయాడు. చప్పున వీరబాహు వచ్చి పట్టుకున్నాడు. ఎందుకు అలా తూలి పడబోయాడో అతడికి అర్థం కాలేదు. కాళ్లకేదో తగిలినట్లయ్యింది. కాళ్ల వంక చూసుకున్నాడు. ఏమీలేదక్కడ.