S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
అయ్యా పంచేంద్రియములు
నయ్యాలల సూచినట్లు లూచగ నేనున్
నీ యాజ్ఞ దలపనేరను
కుయ్యాలింపుము మహాత్మ గుఱుతుగ కృష్ణా!
తిరుమణి దురిత విదూరము
తిరుమణి సౌభాగ్యకరము త్రిజగములందున్
తిరమణి పెట్టిన మనుజుడు
పరమ పవిత్రుడు భాగ్యవంతుడు కృష్ణా!
నారాయణ లక్ష్మీపతి
నారాయణ వాసుదేవ నందకుమార
నారాయణ నిను నమ్మితి
నారాయణ నన్ను బ్రోవు నగధర కృష్ణా!
దండమయా విశ్వంభరా
దండమయా పుండరీకదళ నేత్రహారీ
దండమయా కరుణానిధి
దండమయా నీకు నెపుడు దండము కృష్ణా!
భావం: హే పరంధామా శ్రీకృష్ణా! వరహావతారంలో సముద్రగర్భంనుండి భూమిని పైకెత్తి రక్షించినవాడా! తామర రేకుల్లాంటి నేత్రములు గలవాడా! పాపములను శమింపచేయు ఓకృష్ణా! నీకు సదా నమస్కారములు. కృష్ణునికి ఒక్క దండం పెడితే నమస్కారంచేస్తే చాలు ఎట్టి ఆపదలోనున్నా రక్షించబడుతాము.
శ్రీ కృష్ణ శతకములోని పద్యము
యమునికి నికనే వెఱవను
కమలాక్ష జగన్నివాస కామిత ఫలదా
విమలమగు నీదు నామము
నమరగ దలఁచెదను వేగ ననిశము కృష్ణా!
కంటికి రెప్పవిధంబున
బంటు గదా యనుచు నన్ను బాయక యెపుడున్
జంటయు నీ వుండుట నే
కంటకమగు పాపములను గడచితి కృష్ణా!
కొంచెపు వాడని మదిలో
నెంచకుమీ వాసుదేవ గోవింద హరీ
యంచితముగా నీకరుణకు
గొంచెము నధికంబు గలదె కొంతయు కృష్ణా!
రఘనాయక నీ నామము
లఘమతితో దలచగలనె లక్ష్మిరమణా
యఘములు బాపుదు దయతో
రఘురాముడవైన లోక రక్షక కృష్ణా!
పాలను, వెన్నయు మ్రుచ్చిల
రోలను మీ తల్లి గట్ట రోషము తోడన్
లీలావినోది వైతివి
బాలుడవా బ్రహ్మ గన్న ప్రభుడవు కృష్ణా!
గంగ మొదలైన నదులను
మంగళమున జేయునట్టి మజ్జనములకున్
సంగతి గలిగిన ఫలములు
రంగుగ మిము దలచు సాటి రావుర కృష్ణా!
భావం: ఓ కృష్ణా! పవిత్రమైన గంగ , యుమున, సరస్వతి, బ్రహ్మపుత్ర, కృష్ణా, గోదావరి నదులందు మునిగిన కలుగు పుణ్యఫలములు నీ నామస్మరణము వలన వచ్చే పుణ్యఫలములతో అలరారుతాయి.
శ్రీ కృష్ణ శతకములోని పద్యము