శ్రీ కృష్ణ శతకములోని పద్యము
*
పంచేంద్రియ మార్గంబుల
కొంచెపు బుద్ధిని చరించి కొన్ని దినంబుల్
ఇంచుక సజ్జన సంగతి
నెంచగ మిమ్మెఱిగినాడ నిప్పుడె కృష్ణా!

దిక్కెవ్వరు ప్రహ్లాదుకు
దిక్కెవ్వరు పాండుసుతుల దీనుల కెపుడున్
దిక్కెవ్వ రయ్య హల్యకు
దిక్కెవ్వరు? నీవు నాకు దిక్కుకు కృష్ణా!

నరపశువు మూఢ చిత్తుడ
దురతారంభుడను మిగుల దోషగుడను నీ
గురుతెఱుగ నెంతవాడను
హరి నీవే ప్రాపు దాపు నౌదువు కృష్ణా!

భావం: కృష్ణా నేనొక నరపశువును. మనుష్యుడనై జన్మించియు పశువు వలె ప్రవర్తింపచేసేవాడను. మూర్ఖుడను. దుష్కార్యాలు చేసినవాడను పెక్కు దోషాలను చేసినవాడను. కృష్ణా! నీ లక్షణమును నీ మేరను ఎరుగుటకు నేనెంటివాడను.అల్పుడను. నీ వేనాకు ఆశ్రయము నీవే నాకు సన్నిహితుడవు కావాలి.

శ్రీ కృష్ణ శతకములోని పద్యము
*
వనజాక్ష భక్త వత్సల
ఘనులగు త్రైమూర్తులందు కరుణానిధివై
మను నీ సద్గుణ జాలము
సనకాది మునీంద్రు లెన్నజాలరు కృష్ణా!