S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
త్రిపురాసుర భార్యల నతి
నిపుణతతో వ్రతము చేత నిలిపితి కీర్తుల్
కృపగల రాజవు బళిరే!
కపటపు బౌద్ధావతార! ఘనుడవు కృష్ణా!
ఘనులకు ధేనుక ముష్టిక
దనుజుల చెండాడి తౌర! తగ భుజ శక్తిన్
అనఘాత్మ! రేవతీపతి
యనఁగన్ బలరామమూర్తి వైతివి కృష్ణా!
దశకంఠుని బరిమార్చియు
కుశలముతో సీత దెచ్చికొనియు నయోధ్యన్
విశదముగ కీర్తి నేలితి
దశరథ రామావతార ధన్యుడ! కృష్ణా!
ఇరువదొక మారు నృపతుల
శిరములు ఖండించి తౌర! చేగొడ్డంటన్
ధర కశ్యపునకు నిచ్చియు
బరగవె జమదగ్ని రామభద్రుడ కృష్ణా!
శ్రీ కృష్ణ శతకములోని పద్యము
*
వడుగడవై మూడడుగుల
నడిగితివౌ భళిర భళిర! అఖిల జగంబుల్
తొడిగితిని నీదు మేనున
కడు చిత్రము నీ చరిత్ర ఘనమవు కృష్ణా!
కెరలి యఱచేత కంబము
నరుదుగ వేయుటను వెడలి యసురేశ్వరునిన్
ఉరమును జీరి వధించితి
నరహరి రూపావతార! నగధర! కృష్ణా!
ఆదివరాహుడవయి నీ
నాదనుజు హిరణ్య నేత్రు హతు జేసి తగన్
మొదమున సురలు నొగడగ
మేదిని వడిగొడుగు నెత్తి మెఱసితి కృష్ణా!
అందరు సురలును దనుజులు
పొందుగ క్షీరాబ్ది ఁ దరువ పొలువున నీ వా
నందముగ కూర్మ రూపున
మందరగిరి యెత్తి తౌర మాధవ! కృష్ణా!
మగమీనమనై జలనిధిఁ
బగతుని సోమకుని జంపి పద్మ భవునకున్
నిగమముల దెచ్చి యిచ్చితి
సుగుణాకర!మేలు దివ్యసుందర కృష్ణా!
అగణిత వైభవ! కేశవ!
నగధర! మనమాలి! యాది నారాయణ! యో
భగవంతుడ శ్రీమంతుడ!
జగదీశ్వర! శరణు శరణము కృష్ణా!