S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
శ్రీ కృష్ణ శతకములోని పద్యము
*
పరుసము సోకిన యినుమును
వరుసగ బంగారమైన పడువున జిహ్వన్
హరి ! నీ నామము సోకిన
సురవందిత! నేను నటుల సులభుడ కృష్ణా!
బలమెవ్వడు కరిఁబ్రోవను
బలమెవ్వడు పాండుసుతుల భార్యను గావన్
బలమెవ్వడు సుగ్రీవుకు
బలమెవ్వడు నాకు నీవె బలవౌ కృష్ణా!
సుత్రామ నుత! జనార్దన
సత్రాజిత్తనయ నాథ! సౌందర్య కళా
చిత్రావతార !దేవకి
పుత్రా! ననుఁగావు నీకు పుణ్యము కృష్ణా!
శ్రీ కృష్ణ శతకములోని పద్యము
దుర్వార చక్రధర కర!
శర్వాణీ భర్తృ వినుత ! జగదాధారా!
నిర్వాణనాథ! మాధవ!
సర్వాత్మక! నన్నుఁగావు సరగున కృష్ణా!
శ్రీ కృష్ణ శతకములోని పద్యము
దుర్మతిని మిగుల దుష్టవు
కర్మంబులు చేసినట్టి కష్టుడ నన్నున్
నిర్మలుని జేయవలె ని
ష్కర్ముడ నిను నమ్మినాడ కావుము కృష్ణా!
గోపాల కృష్ణ! మురహర!
పాపాలను పారదోలు ప్రభుడవు నీవే
గోపాలమూర్తి! దయతో
నా పాలిట గలిగి ప్రోవు నమ్మితి కృష్ణా!
శ్రీ కృష్ణ శతకములోని పద్యము
గజరాజ వరద !కేశవ!
త్రిజగత్కల్యాణ మూర్తి! దేవ! మురారీ!
భుజగేంద్రశయన! మాధవ!
విజయాప్తుడ నన్ను గావు వేగమె కృష్ణా!
మందుట నే దురితాత్ముడ
నిందల కొడిగట్టి నట్టి నీచుని నన్నున్
సందేహింపక కావుము
నందుని వరపుత్ర! నిన్ను నమ్మితి కృష్ణా!
శతకోటి భాను తేజా!
యతులిత సద్గుణ గణాఢ్య! అంబుజనాభా!
రతినాథ జనక! లక్ష్మీ
సతిహిత! నను గావు భక్త సన్నుత కృష్ణా!
దుష్టుండ ననాచారుడ
దుష్టచరిత్రుడను చాల దుర్బుద్ధిని నే
నిష్ఠ నిను గొల్వనేరని
కష్టుడ ననుగావు కావు కరుణను కృష్ణా!
భావం: కృష్ణా ! నేను దుష్టుడను, అనాచారుడను, దుష్టచరిత్రుడను, దుర్బుద్ధిని నిన్ను నిష్ఠలో పూజింపని పాపిని. నన్ను దయతో రక్షింపుము.
శ్రీ కృష్ణ శతకములోని పద్యము