హైదరాబాద్, ఏప్రిల్ 28: తాను పార్టీ మారుతున్నట్లు పార్టీ నేతలే దుష్ప్రచారం చేయడాన్ని సీ ఎల్పీనేత కే.జానారెడ్డి ఖండించారు. తనపై నమ్మకం లేకపోతే సిఎల్‌పి పదవి నుంచి తప్పుకుంటానని కూడా ఆయన చెప్పారు. గురువారం ఇక్కడ సిఎల్‌పి కార్యాలయంలో తెలంగాణ కాంగ్రెస్ ఎమ్మెల్యేల సమావేశం జరిగింది. ఈ సమావేశం జరిగే తీరుకు నిరసనగా ఎమ్మెల్యే కోమటిరెడ్డి వెంకటరెడ్డి సమావేశం నుంచి వాకౌట్ చేశారు.

హైదరాబాద్, ఏప్రిల్ 28: ఉత్తర తెలంగాణలో మావోయిస్టుల కలకలం మళ్లీ మొదలైంది. తాజాగా బుధవారం రాత్రి ఆదిలాబాద్ జిల్లా బెజ్జూరు మండలం గూడెంలో మూడు వాహనాలకు నిప్పు పెట్టి పోలీసులకు సవాల్ విసిరారు. పార్టీ బలోపేతంపై మావోయిస్టులు దృష్టిసారించారు. రెండు దళాల సభ్యులు కోటపల్లి మండలం నుంచి బెజ్జూరు వరకు సంచరిస్తున్నట్టు పోలీసులకు పక్కా సమాచారం అందినట్టు తెలుస్తోంది.

హైదరాబాద్, ఏప్రిల్ 28: దేశవ్యాప్తంగా వైద్య విద్య ప్రవేశానికి ఏకీకృత పరీక్షను నిర్వహించాల్సిందేనని గురువారం సుప్రీంకోర్టు ఆదేశించడంతో ఆ ఉత్తర్వులు వర్తిస్తాయా లేదా అనే మీమాసంలో ఆంధ్రప్రదేశ్, తెలంగాణ రాష్ట్రాలు పడ్డాయి. సుప్రీం ఆదేశాలు అనేక సాంకేతిక కారణాల వల్ల ఈ రెండు రాష్ట్రాలకూ వర్తించవని ఓ పక్క న్యాయ నిపుణులు చెబుతూంటే దీనిపై ఇరు రాష్ట్రాల ప్రభుత్వాలు ఆచి తూచి స్పందించాయి.

కాకినాడ, ఏప్రిల్ 28: ఎపి ఎంసెట్-2016ను ముందు ప్రకటించిన విధంగా శుక్రవారం తెలుగు రాష్ట్రాల్లో యథావిథిగా నిర్వహిస్తున్నామని ఎంసెట్ కన్వీనర్ డాక్టర్ సిహెచ్ సాయిబాబు స్పష్టం చేశారు. దేశంలో అన్నిరకాల కామన్ ఎంట్రన్స్ టెస్ట్‌లను ఒక కామన్ ఎగ్జామ్ ద్వారా నిర్వహించాలని సుప్రీంకోర్టు తీర్పునిచ్చినప్పటికీ, ప్రస్తుత పరిస్థితుల్లో ఆ పద్ధతిలో ఎంసెట్ నిర్వహించడం సాధ్యం కాదన్నారు.