కళ్యాణదుర్గం, నవంబర్ 13 : కళ్యాణదుర్గం బైపాస్ రోడ్డులో మంగళవారం సాయంత్రం విద్యుదాఘాతంతో పట్టణానికి చెందిన పశువుల రమేష్ (33) మృతిచెందాడు. రమేష్ బైపాస్ సమీపంలో పశువులను మేపుకొచ్చేందుకు తీసుకొచ్చాడు. అయితే ఇంటికి వెళ్లే సమయంలో రోడ్డు దాడుతుండగా 8 అడుగుల ఎత్తులో ఉన్న 33 కేవీ విద్యుత్ వైర్లు తలకు తగిలాయి. దీంతో అక్కడిక్కడే మృతిచెందాడు.

చర్ల, నవంబర్ 13: మండలంలోని బోదనెల్లి- చింతగుప్ప అటవీ ప్రాంతంలో మంగళవారం కూంబింగ్‌కు వెళ్లిన పోలీసులను లక్ష్యంగా చేసుకొని మావోయిస్టులు ఏర్పాటు చేసిన ఐఈడీ మందుపాతర పేలడంతో ప్రత్యేక పోలీసుపార్టీకి చెందిన కె.నాగరాజు అనే కానిస్టేబుల్ చేతికి గాయాలయ్యాయి. దీంతో హుటాహుటిన నాగరాజును భద్రాచలంలోని ఏరియా ఆసుపత్రికి తరలించారు.

నెల్లిమర్ల, నవంబర్ 13: రైలు ఢీకొట్టిన ప్రమాదంలో స్థానిక భవిత కేంద్రానికి చెందిన బదిర విద్యార్థి మృతిచెందాడు. మంగళవారం స్థానికులు అందించిన వివరాల ప్రకారం భవిత కేంద్రానికి చెందిన బదిర విద్యార్థి బీలసాయి(14) రైలు ఢీకొని మృతిచెందాడు. మృతుడు సాయి పూతికపేట గ్రామానికి చెందినవాడు. పుట్టకతోనే మూగ,చెవిటి కావడంతో స్థానిక భవిత కేంద్రంలో శిక్షణ కోసం తల్లిదండ్రులు చేర్పించారు.

మంచిర్యాల, నవంబర్ 12: మంచిర్యాల జిల్లాలోని హాజీపూర్ మండలం గుడిపేటలోని పశు సంవర్థక శాఖ కార్యాలయంలో జాయింట్ డైరెక్టర్‌గా పనిచేస్తున్న ఎల్లన్నను సోమవారం ఏసీబీ అధికారులు రూ. 50 వేలు లంచం తీసుకుంటుండగా పట్టుకున్నారు. ఏసీబీ డీఎస్పీ ప్రతాప్ వివరాల ప్రకారం ప్రభుత్వం..