ఉత్తమ నటిగా జాతీయ అవార్డు అందుకొని ఎన్నో ప్రశంసలు అందుకున్న ప్రియమణి తెలుగులో పలు కమర్షియల్ చిత్రాల్లో నటించి మెప్పించింది. పెళ్లి తర్వాత సినిమాలకు కాస్త దూరమైంది. అయితే తాజాగా ఓ చిత్రంలో నటించేందుకు ఒప్పుకుంది. ఏఎన్‌బి కోర్డినేటర్స్ బ్యానర్‌పై ఏఎన్ భాషా, రామసీత నిర్మాతలుగా ప్రకాష్ పులిజాల దర్శకత్వంలో తెరకెక్కించనున్న ‘సిరివెనె్నల’ చిత్రం ద్వారా ప్రియమణి సెకండ్ ఇన్నింగ్స్ మొదలుపెడుతుంది.

ఆర్‌ఎక్స్ 100 చిత్రంతో క్రేజీ హీరోగా పేరు తెచ్చుకొన్న కార్తికేయ, దక్షిణాది సినీ పరిశ్రమలో స్టార్ ప్రొడ్యూసర్ కలైపులి థాను, దర్శకుడు టి.ఎన్.కృష్ణ కాంబినేషన్‌లో వస్తున్న చిత్రం ‘హిప్పీ’. వీ క్రియేషన్స్ పతాకంపై రూపొందిస్తున్న హిప్పీ చిత్ర షూటింగ్ హైదరాబాద్‌లో ప్రారంభమైంది. దేవుని పటాలపై చిత్రీకరించిన ముహూర్తపు సన్నివేశానికి నిర్మాత కలైపులి థాను క్లాప్ ఇచ్చారు.

స్టార్ హీరో అజిత్ నటిస్తున్న ‘విశ్వాసం’ చిత్రం షూటింగ్ పూర్తిచేసుకుంది. పూణేలో జరిగిన చివరి షెడ్యూల్‌లో సాంగ్ సీక్వెన్స్‌తోపాటు యాక్షన్ సీక్వెన్స్‌కూడా చిత్రీకరించారు. శివ తెరకెక్కిస్తున్న ఈ చిత్రంలో అజిత్ డ్యూయెల్ రోల్‌లో కనిపించనున్నాడు. అందులో ఒకటి యువకుడి పాత్ర కాగా మరొకటి వృద్ధుడి పాత్ర. సత్యజ్యోతి ఫిలిమ్స్ నిర్మిస్తున్న ఈ చిత్రంలో అజిత్ సరసన నయనతార కథానాయికగా నటిస్తుంది.

శ్రీదేవి మూవీస్ శివలెంక కృష్ణప్రసాద్ సమర్పిస్తున్న చిత్రం ‘బ్లఫ్ మాస్టర్’. అభిషేక్ ఫిలిమ్స్ రూపొందిస్తోంది. సత్యదేవ్, నందితా శే్వత, ఆదిత్య మీనన్ కీలక పాత్రధారులు. గోపి గణేష్ పట్ట్భా దర్శకుడు. రమేష్ పి.పిళ్ళై నిర్మాత. ఈ సినిమా ట్రైలర్‌లాంచ్ హైదరాబాద్‌లో జరిగింది. ఈ సందర్భంగా శివలెంక కృష్ణప్రసాద్ మాట్లాడుతూ- ఇది రీమేక్ చిత్రమే అయినప్పటికీ, చాలా అద్భుతమైన ఇంప్రూవైజేషన్స్ చేశాం.