కోల్‌కతా, జూలై 21: కేంద్రంలోని బీజేపీ ప్రభుత్వం దాడులు, విద్వేషాలు, హింసను ప్రేరేపిస్తూ దేశాన్ని అథోగతి పాలుచేస్తోందని తృణమూల్ కాంగ్రెస్ అధినేత్రి మమతా బెనర్జీ తీవ్ర ఆరోపణలు చేశారు. మృతవీరులు దినోత్సవం సందర్భంగా శనివారం ఇక్కడ జరిగిన అమరవీరుల భారీ ర్యాలీలో నరేంద్రమోదీ ప్రభుత్వంపై ఆమె నిప్పులు చెరిగారు.

న్యూఢిల్లీ, జూలై 21: పార్లమెంట్ సాక్షిగా ఆంధ్రప్రదేశ్ ప్రజలను అవహేళన చేసే విధంగా ప్రధాని నరేంద్ర మోదీ మాట్లాడారని ఏపీపీసీసీ అధ్యక్షుడు రఘువీరారెడ్డి ఆరోపించారు. ప్రత్యేక హోదాతో సహా విభజన హామీల విషయంలో ఏన్డీయే ప్రభుత్వం మరోసారి రాష్ట్ర ప్రజలను మోసం చేసిందని శనివారం ఇక్కడ ధ్వజమెత్తారు.

షాహజహన్‌పూర్ (యుపీ), జూలై 21: విపక్ష పార్టీలు బీజేపీపై లోక్‌సభలో పెట్టిన అవిశ్వాస తీర్మానానికి అర్థం లేదని, ఏ ఉద్దేశ్యంతో ఈ తీర్మానం పెట్టారో తెలియక ప్రతిపక్ష పార్టీలు అయోమయానికి గురయ్యాయని ప్రధానమంత్రి నరేంద్రమోదీ విమర్శించారు. ఎఐసిసి అధ్యక్షుడు, ఎంపీ రాహుల్ గాంధీ ప్రసంగం తర్వాత తన వద్దకు వచ్చి కౌగిలించుకోవడం అసందర్భమని, ఇది అనాలోచిత చర్య అని ఆయన ఎద్దేవా చేశారు.

న్యూఢిల్లీ :కళంకితులతో కలిసింది మీరని, గాలి జనార్థన్‌రెడ్డి వంటి వ్యక్తుల మనుషులకు టిక్కెట్లు ఇచ్చి కలిసి పనిచేస్తుందని మీరని, వైసీపీ నేత జగన్మోహన్‌రెడ్డితో తనను ఎలా పోలుస్తారని ఏపీ ముఖ్యమంత్రి చంద్రబాబు అన్నారు. ఆయన శనివారంనాడిక్కడ ప్రెస్‌మీట్‌లో మాట్లాడుతూ..తాను యూ టర్న్ తీసుకోలేదని, మీరు తీసుకున్నారని అన్నారు. ఇచ్చిన హామీలు అమలు చేయకుండా కథలు చెబుతున్నారని విమర్శించారు.