న్యూఢిల్లీ : పార్లమెంటు ఉభయసభల్లోనూ సోమవారం ఆందోళనలు కొనసాగాయి. రాజ్యసభ ప్రారంభం కాగానే కాంగ్రెస్, టీడీపీ సభ్యులు నిరసన చేపట్టారు. ఆంధ్రప్రదేశ్‌కు ప్రత్యేక హోదా కల్పించాలని కోరుతూ వారు నినాదాలు చేశారు. దీంతో సభలో గందరగోళం నెలకొంది. సభ్యులకు చైర్మన్ వెంకయ్యనాయుడు నచ్చజెప్పే ప్రయత్నం చేసినప్పటికీ పరిస్థితిలో మార్పు రాలేదు. దీంతో సభను మంగళవారానికి వాయిదా వేస్తున్నట్లు తెలిపారు.

న్యూఢిల్లీ, ఏప్రిల్ 1: ఎస్సీ, ఎస్టీ అట్రాసిటీ చట్టంలోని కొన్ని నిబంధనలు సడలిస్తూ ఇటీవల అత్యున్నత ధర్మాసనం ఇచ్చిన తీర్పును పున:సమీక్షించాలని కేంద్రం ప్రభుత్వం సుప్రీం కోర్టును ఆశ్రయించేందుకు కసరత్తు చేస్తోంది. ఈ చట్టంలోని కొన్ని నిబంధనలను సడలిస్తూ ఇచ్చిన ఆదేశాల మూలంగా ఆ చట్టాన్ని నీరుగార్చే ప్రమాధం ఉందని సుప్రీం కోర్టుకు నివేదించేందుకు కేంద్రం చర్యలు మొదలు పెట్టినట్టు తెలుస్తోంది.

ట్యుటికోర్న్/చైన్నై ఎప్రిల్ 1: ట్యుటికోర్న్ సమీపంలో వేదాంత నెలకొల్పుతున్న స్టెరిలైట్ కాపర్ ప్లాంట్‌ను మూసివేయాలని కోరుతున్న ఆందోళనకారులకు తమిళ నటుడు, మక్కల్ నీతి మయ్యమ్ అధినేత కమల్ హసన్ మద్దతు పలికారు. ‘కాపర్ ప్లాంట్ విస్తరణ పనులను అనుమతించరాదు, అవసరమైతే ఈ ప్లాంట్‌ను మూసేయడం ఉత్తమం’ అని ఆయన స్పష్టం చేశారు.

న్యూఢిల్లీ, ఏప్రిల్ 1: దేశంలో కోట్లాది ఉద్యోగాలు సృష్టించామనీ, అభివృద్ధినీ పరుగులు పెట్టిస్తున్నామని ప్రధాని నరేంద్ర మోదీ సారథ్యంలోని ఎన్‌డీఏ సర్కార్ చేస్తున్న ప్రచారంపై కాంగ్రెస్ పార్టీ వినూత్న రీతిలో తిరగబడింది. దేశంలో 200 కోట్ల ఉద్యోగాలు వచ్చాయనీ, అలాగే గ్రహాంతర జీవులూ భారత్ కోసం పనిచేస్తున్నాయంటూ మోదీ ప్రచారంలోని పసలేనితనాన్ని కాంగ్రెస్ ఏప్రిల్ ఫూల్ దినోత్సవం సందర్భంగా ఎండగట్టింది.