న్యూఢిల్లీ, ఏప్రిల్ 2: ప్రధాన మంత్రి నరేంద్ర మోదీ మంత్రివర్గంపై వైకాపా, తెలుగుదేశం, కాంగ్రెస్, వామపక్షాలు, ఎంఐఎం తదితర ఎనిమిది పార్టీలు ఇచ్చిన అవిశ్వాస తీర్మానం సోమవారం తొమ్మిదో రోజు కూడా చర్చకు రాలేకపోయింది. లోక్‌సభ సోమవారం ఉదయం పదకొండు గంటలకు సమావేశం కాగానే సుమిత్రా మహాజన్ ప్రశ్నోత్తరాల కార్యక్రమాన్ని చేపట్టారు.

న్యూఢిల్లీ, ఏప్రిల్ 2: ఆంధ్రప్రదేశ్ ముఖ్యమంత్రి నారా చంద్రబాబు నాయుడు దేశం విడిచి పారిపోయిన పారిశ్రామికవేత్త విజయ మాల్యా నుండి రూ.150కోట్లు రాజకీయ విరాళంగా తీసుకున్నారని వైకాపా రాజ్యసభ సభ్యుడు విజయసాయి రెడ్డి ఆరోపించారు. సోమవారం విజయ్ చౌక్ వద్ద ఆయన విలేఖరులతో మాట్లాడుతూ బ్యాంకులకు 9వేల కోట్ల మేరకు కుచ్చుటోపీ పెట్టిన విజయమాల్యా 2016 మార్చి 1న రాజ్యసభలో ఉన్నారు..

న్యూఢిల్లీ, ఏప్రిల్ 2: ప్రధాని నరేంద్ర మోదీపై యుద్ధం ప్రకటించిన ఏపీ సీఎం చంద్రబాబు మంగళవారం ఢిల్లీలో రాజ్యసభలో ప్రతిపక్షం నాయకుడు, సీనియర్ కాంగ్రెస్ నేత గులాం నబీ ఆజాద్‌తో సమావేశంకానున్నారు. పార్లమెంటు ఆవరణలోని గులాంనబీ ఆజాద్ కార్యాలయంలో ఉదయం 11.15 గంటలకు చంద్రబాబు భేటీ అవుతారు.

న్యూఢిల్లీ, ఏప్రిల్ 2: ఎస్సీ, ఎస్టీ అత్యాచార నిరోధక చట్టంపై గతంలో ఇచ్చిన తీర్పును తక్షణ పునర్విచారణకు సుప్రీంకోర్టు నిరాకరించింది. సుప్రీంకోర్టు రూలింగ్‌పై సోమవారం వివిధ దళిత సంఘాలు నిర్వహించిన భారత్ బంద్ హింసాత్మకరూపం దాల్చి పదిమంది వరకూ మరణించిన సంగతి తెలిసిందే. ఇదిలావుండగా ఎస్సీ, ఎస్టీ చట్టం పూర్వస్థితిని కొనసాగించాలని కోరుతూ కేంద్రం సోమవారం సుప్రీం కోర్టులో రివ్యూ పిటిషన్ దాఖలు చేసింది.