న్యూఢిల్లీ, మార్చి 30: సుప్రీంకోర్టు ప్రధాన న్యాయమూర్తికి, జస్టిస్ చలమేశ్వర్ రాసిన లేఖ నేపథ్యంలో లాయర్ల సంఘం ఆందోళన వ్యక్తం చేసింది. న్యాయవ్యవస్థలోకి చొరబడుతున్న కార్యనిర్వాహక వ్యవస్థ విషయంలో పూర్తి కోర్టును ఏర్పాటు చేయాలంటూ సుప్రీంకోర్టు సీనియర్ జడ్జి జస్టిస్ చలమేశ్వర్, ప్రధాన న్యాయమూర్తి దీపక్ మిశ్రాకు లేఖ రాశారు.

న్యూఢిల్లీ, మార్చి 30: సీబీఎస్‌ఈ 12వ తరగతి ఎకనామిక్స్ పేపర్‌కు సంబంధించి పరీక్షను ఏప్రిల్ 25న నిర్వహించనున్నారు. ఇక 10వ తరగతి గణితశాస్త్ర పేపర్‌కు సంబంధించిన పరీక్షను అవసరమైన పక్షంలో ఢిల్లీ- నేషనల్ కేపిటల్ రీజియన్, హర్యానా ప్రాంతాల్లో మాత్రమే జూలై నెలలో నిర్వహిస్తారు. పేపర్ల లీకేజీపై వెల్లువెత్తుతున్న విమర్శల నేపథ్యంలో కేంద్ర ప్రభుత్వం శుక్రవారం పై ప్రకటనను విడుదల చేసింది.

భూపాల్: మధ్యప్రదేశ్ ప్రభుత్వం పదవీ విరమణ వయసును పెంచింది. రాష్ట్ర ప్రభుత్వ ఉద్యోగల రిటైర్మెంట్ వయసును 60 ఏళ్ల నుంచి 62 ఏళ్లకు పెంచింది. ఆ రాష్ట్ర సీఎం శివరాజ్ సింగ్ చౌహాన్ ఈ మేరకు ఓ ప్రకటన చేశారు. మీట్ ద ప్రెస్ కార్యక్రమంలో పాల్గొన్న ఆయన రిటైర్మెంట్ వయసును పెంచుతున్నట్లు సీఎం తెలిపారు. రాష్ట్ర ప్రభుత్వంలో పనిచేస్తున్న అన్ని విభాగాల ఉద్యోగులకు ఇది వర్తిస్తుంది.

న్యూఢిల్లీ: సీబీఎస్ఈ పరీక్ష పేపర్ల లీకేజీ దేశవ్యాప్తంగా తీవ్ర దుమారాన్నే లేపుతోంది. విద్యార్థులు, తల్లిదండ్రులు, విద్యార్థి సంఘాలు ఆందోళన బాటపట్టారు. రాజకీయంగాను కేంద్రంపై తీవ్ర విమర్శలు చెలరేగుతున్నాయి. విద్యార్థుల ఆందోళనల నేపథ్యంలో ఢిల్లీలోని కేంద్ర మానవ వనరుల శాఖ మంత్రి ప్రకాశ్ జవదేకర్ ఇంటిదగ్గర భద్రత పెంచారు. 144 సెక్షన్ విధించారు.