విశాఖపట్నం, డిసెంబర్ 7: పరిశోధనల ద్వారానే రక్షణ రంగం బలోపేతం అవుతుందని రాష్టప్రతి రామ్‌నాథ్ కోవింద్ చెప్పారు. విశాఖలోని ఆంధ్రా యూనివర్శిటీలో డిఫెన్స్ స్టడీస్ సెంటర్‌ను రాష్టప్రతి గురువారం ప్రారంభించి, జాతికి అంకితం చేశారు. దేశం ఏ ప్రాంతంలో పనిచేస్తున్న డిఫెన్స్, మిలటరీ రంగాల్లో పనిచేస్తున్న అధికారులు ఈ యూనివర్శిటీలో కోర్సులు అభ్యసించడానికి, అలాగే పరిశోధనలు చేయడానికి వీలు కల్పించారు.

ధండూక (గుజరాత్), డిసెంబర్ 6: 2019లో జరిగే సార్వత్రిక ఎన్నికలతో అయోధ్య వివాదాన్ని ముడి పెట్టాలని కాంగ్రెస్ ప్రయత్నిస్తోందని ప్రధాని నరేంద్ర మోదీ ఆరోపించారు. ఆయన బుధవారం ఇక్కడ జరిగిన ఎన్నికల ప్రచార సభలో మాట్లాడుతూ, రామజన్మభూమి- బాబ్రీ మసీదు కేసుపై సుప్రీం కోర్టులో కాంగ్రెస్ నేత కపిల్ సిబల్ వాదన సరికాదని మండిపడ్డారు.

న్యూఢిల్లీ, డిసెంబర్ 6: రాజ్యాంగ నిర్మాత బాబా సాహెబ్ అంబేద్కర్‌కు జాతి ఘన నివాళులర్పించింది. అంబేద్కర్ 61వ వర్ధంతి సందర్భంగా రాజధాని ఢిల్లీ సహా దేశవ్యాప్తంగా పలు కార్యక్రమాలు నిర్వహించారు. అంబేద్కర్ దేశానికి, ముఖ్యంగా దళితుల ఉద్ధరణకు ఎనలేని కృషి చేశారని పలువురు శ్లాఘించారు. రాష్టప్రతి రామ్‌నాథ్ కోవింద్, ఉపరాష్టప్రతి ఎం వెంకయ్యనాయుడు, ప్రధాని నరేంద్ర మోదీ తదితరులు అంబేద్కర్ సేవలను కొనియాడారు.

శ్రీనగర్, డిసెంబర్ 6: ఆర్మీ జవాను ఇర్ఫాన్ దర్ హత్యకేసును ఛేదించి, ఓ మిలిటెంట్‌ను అరెస్టు చేసినట్లు స్థానిక పోలీసులు బుధవారం ప్రకటించారు. జవాను ఇర్ఫాన్‌ను గత నెలలో మిలిటెంట్లు హతమార్చిన సంగతి తెలిసిందే. ఈ ఘటనకు సంబంధించి పోలీసులు విస్తృతంగా గాలింపు చర్యలు చేపట్టి, షోపియాన్ జిల్లా షిర్మల్‌కు చెందిన ముజామిల్ అనే మిలిటెంట్‌ను అరెస్టు చేశారు.