ముంబయి, మే 10: ఆయన గళంతో జనం స్వరం కలిపారు. పాప్ మాధుర్యంలో మునిగితేలారు. ఇదీ కెనడా పాప్ సెనే్సషన్ జస్టిన్ బీబర్ తొలిసారిగా భారత్‌లో ఇచ్చిన కచేరీ.. తన పాప్ సంగీతంతో అంతర్జాతీయ ప్రేక్షకులను ఉర్రూత లూగిస్తున్న జస్టిన్ బుధవారం ముంబయిలోని డివై పాటిల్ స్టేడియంలో తన గాత్రామృతాన్ని కురిపించారు. ‘వేర్ యు ఆర్’తో మొదలైన ఆయన కచేరీలో ఇతర డాన్సర్లూ వరుస కలిపారు.

న్యూఢిల్లీ, మే 10: రాష్టప్రతి పదవికి బిజెపి ప్రతిపాదించే అభ్యర్థికే తమ పూర్తి మద్దతు ఉంటుందని వైఎస్‌ఆర్‌సిపి అధ్యక్షుడు, ఏపీ శాసనసభలో ప్రతిపక్షం నాయకుడు వైఎస్ జగన్‌మోహన్ రెడ్డి ప్రకటించారు. జగన్‌మోహన్ రెడ్డి బుధవారం ప్రధాని నరేంద్ర మోదీని కలిసి చర్చలు జరిపిన అనంతరం మీడియాతో మాట్లాడుతూ ఈవిషయాన్ని ప్రకటించారు.

పాట్నా, మే 10: పశుదాణా కేసులో సుప్రీం కోర్టు ఇచ్చిన తీర్పుపై వ్యాఖ్యానించడానికి ఆర్జేడి అధినేత లాలూ ప్రసాద్ యాదవ్ నిరాకరించారు. దాణా కేసులో విచారణ ఎదుర్కోవల్సిందేనని కోర్టు తేల్చిచెప్పింది. ఈ మేరకు సిబిఐని ధర్మాసనం ఆదేశించిన సంగతి తెలిసిందే. రెండు రోజులుగా లాలూ ప్రసాద్ యాదవ్ సర్క్యులర్ రోడ్ నెంబర్ 10లోని రబ్రీదేవీ అధికార నివాసంలోనే ఉంటున్నారు. దాదాపు అప్పటినుంచీ మీడియాకు దూరంగానే ఉంటున్నారు.

న్యూఢిల్లీ, మే 10: ముస్లింలలో ఉన్న ట్రిపుల్ తలాఖ్, నిఖా హలాల, బహుభార్యత్వం లాంటి సంప్రదాయాల రాజ్యాంగపరమైన చెల్లుబాటును సవాలు చేస్తూ దాఖలయిన పిటిషన్లపై సుప్రీంకోర్టు గురువారం నుంచి విచారణ ప్రారంభిస్తుంది. ప్రధాన న్యాయమూర్తి జస్టిస్ జెఎస్ ఖేహర్ నేతృత్వంలోని అయిదుగురు న్యాయమూర్తుల ధర్మాసనం మొత్తం ఏడు పిటిషన్లపై విచారణను ప్రారంభిస్తుంది.