న్యూఢిల్లీ, మే 11: ప్రజలు తమ పర్మనెంట్ అకౌంట్ నంబర్ (పాన్)కు ఆధార్ నంబర్‌ను అనుసంధానం చేసుకోవడానికి ఆదాయపు పన్ను శాఖ ఒక కొత్త సౌకర్యాన్ని ప్రారంభించింది. దీని ప్రకారం, ఎవరయినా ఆన్‌లైన్‌లో (ఇ-ఫెసిలిటి) తమ ఆధార్‌ను అనుసంధానం చేసుకోవచ్చు. ఇకనుంచి ఐటి రిటర్న్స్ దాఖలు చేయడానికి ఎవరయినా తమ పాన్‌కు ఆధార్ నంబర్‌ను అనుసంధానం చేయడం తప్పనిసరి.

న్యూఢిల్లీ, మే 11: తెలంగాణ, ఆంధ్రప్రదేశ్‌లోని పంచాయతీరాజ్ ఉపాధ్యాయులకు ఏకీకృత సర్వీస్ నియమ, నిబంధనలు తయారు చేసేందుకు కేంద్ర న్యాయ శాఖ ఆమోదం తెలిపిందని ఢిల్లీలో తెలంగాణ ప్రభుత్వం ప్రత్యేక ప్రతినిధి డాక్టర్ వేణుగోపాలచారి, టిఆర్‌ఎస్ ఉపాధ్యాయ సంఘం నాయకులు, విధాన మండలి సభ్యులు కె.జనార్దన్ రెడ్డి, పి.రవీందర్, సరోత్తం రెడ్డి, మోహన్ రెడ్డి తెలిపారు.

న్యూఢిల్లీ, మే 10: ప్రధాని నరేంద్ర మోదీ రెండు రోజుల పర్యటన నిమిత్తం శ్రీలంక వెళ్లనున్నారు. అక్కడ జరిగే అంతర్జాతీయ బుద్ధిస్ట్ ఫెస్టివల్‌లో మోదీ పాల్గొంటారు. రాజధాని కొలంబోలో ఈ నెల 12 నుంచి 14 వరకూ అంతర్జాతీయ వేసక్ దినోత్సవ వేడుకలు జరుగుతాయి. వంద దేశాల నుంచి 4వేల మందికి పైగా ప్రతినిధులు ఈ వేడుకలకు హాజరవుతున్నారు. బౌద్ధులకు వేసక్ ఓ పవిత్ర దినం.

లక్నో, మే 10: పార్టీ వ్యతిరేక కార్యకలాపాలకు పాల్పడుతున్నారన్న కారణంతో ముస్లిం నేత నసీరుద్దీన్ సిద్దిఖీ, ఆయన కుమారుడిపై బిఎస్పీ అధినేత్రి మాయావతి వేటు వేశారు. ఇద్దర్నీ పార్టీనుంచి బహిష్కరించారు.