న్యూఢిల్లీ, జనవరి 23: ఉత్తరప్రదేశ్ అసెంబ్లీ ఎన్నికల్లో బిజెపి అధినాయకత్వం తమ పార్టీ నాయకులతోపాటు కాంగ్రెస్, బిఎస్‌పి నుంచి వచ్చి చేరిన వారికి, వారి పిల్లలకు టికెట్లు కేటాయించి అందరినీ ఆశ్చర్యపరిచింది. మంత్రులు, పార్టీ ఎంపీల పిల్లలకు టికెట్లు కేటాయించకూడదని ప్రధాన మంత్రి నరేంద్ర మోదీ సూచన ప్రాయంగా చేసిన హితవును బిజెపి అధినాయకత్వం పట్టించుకున్న సూచనలు కనిపించటం లేదు.

పనాజీ, జనవరి 23: ఎన్నికల సంఘానికి దాఖలు చేసిన అఫిడవిట్‌లో గోవా ముఖ్యమంత్రి లక్ష్మీకాంత్ పర్సేకర్ గత ఐదేళ్లలో తన సంపద తరిగిపోయినట్టు చూపించారు. ఆయనతోపాటు మరో నలుగురు ఎమ్మెల్యేలూ ఆస్తులు తరిగిపోయాయని పేర్కొన్నారు. మాండ్రెమ్ నియోజకవర్గం నుంచి బిజెపి టికెట్‌పై పోటీ చేస్తున్న పర్సేకర్ 2012తో పోల్చుకుంటే 1.76 కోట్ల రూపాయలు సంపాదన క్షీణించిందని అన్నారు.

న్యూఢిల్లీ, జనవరి 23: బొగ్గు గనుల కుంభకోణానికి సంబంధించిన కేసుల దర్యాప్తును ప్రభావితం చేసేందుకు సిబిఐ మాజీ చీఫ్ రంజిత్ సిన్హా ప్రయత్నిస్తున్నట్లు వచ్చిన ఆరోపణల్లో నిజాన్ని నిగ్గు తేల్చేందుకు సుప్రీం కోర్టు సోమవారం సిబిఐ డైరెక్టర్ నేతృత్వంలో ప్రత్యేక దర్యాప్తు బృందాన్ని ఏర్పాటు చేసింది.

న్యూఢిల్లీ, జనవరి 23:కేంద్ర ప్రభుత్వం ఆంధ్రప్రదేశ్‌కు ప్రకటించిన ప్రత్యేక ప్యాకేజీకి చట్టబద్ధత కల్పించాలని ముఖ్యమంత్రి చంద్రబాబు సోమవారం సాయంత్రం నార్త్‌బ్లాక్‌లో కేంద్ర ఆర్థిక శాఖ మంత్రి అరుణ్ జైట్లీని కలిసి, డిమాండ్ చేశారు. డిజిటల్ చెల్లింపులకు జనామోదం పొందేందుకు అనుసరించవలసిన వ్యూహాన్ని సిద్ధం చేసేందుకు ఏర్పాటైన కమిటీ సమావేశానికి హాజరయ్యేందుకు చంద్రబాబు సోమవారం దేశ రాజధానికి వచ్చారు.