న్యూఢిల్లీ, జనవరి 20: తమిళనాడును కుదిపేస్తున్న జల్లికట్టు సమస్య పరిష్కారానికి కేంద్రం చొరవ తీసుకుంది. జల్లికట్టును చట్టబద్ధం చేసేందుకు ప్రభుత్వం జారీ చేసే ఆర్డినెన్స్‌కు కేంద్రం ఆమోదం తెలిపింది. రాష్ట్ర ప్రభుత్వం నుంచి అందిన ఆర్డినెన్స్ ముసాయిదా ప్రతిని హోంమంత్రి రాజ్‌నాథ్ సింగ్ రాష్టప్రతి ప్రణబ్ ముఖర్జీకి పంపించారు.

న్యూఢిల్లీ, జనవరి 19: రాజధాని ఢిల్లీలోని టెన్త్ రాజాజీ మార్గ్‌లోని కేంద్ర మంత్రి మహేశ్ శర్మ అధికార నివాసాన్ని జూలైలో రిటైర్‌కానున్న రాష్టప్రతి ప్రణబ్ ముఖర్జీకి కేటాయించనున్నారు. టెన్త్ రాజాజీ మార్గ్‌లోని భవనంలో మాజీ రాష్టప్రతి అబ్దుల్ కలామ్ ఉండేవారు. ఆయన మరణించేవరకూ అందులోనే ఉన్నారు. తరువాత కేంద్ర మంత్రి మహేశ్ శర్మకు దాన్ని కేటాయించారు.

లక్నో, జనవరి 19: తమదే అసలైన సమాజ్‌వాది పార్టీ అని ఎన్నికల కమిషన్ ప్రకటించడంతో పూర్తిస్థాయిలో రంగంలోకి దిగిన యుపి ముఖ్యమంత్రి అఖిలేశ్ యాదవ్ ఇప్పుడు పార్టీ అధ్యక్షుడి హోదాలో ఇంతకుముందు తన చిన్నాన్న, యుపి పార్టీ అధ్యక్షుడు శివపాల్ యాదవ్ క్రమశిక్షణా చర్య కింద సస్పెండ్ చేసిన 9 మందిపై సస్పెన్షన్ ఎత్తివేశారు.

న్యూఢిల్లీ, జనవరి 19: సైనిక దళాల ప్రత్యేక అధికారాల చట్టాన్ని (ఏఎఫ్‌ఎస్‌పిఏ) తొలగించాలనే డిమాండ్‌తో దాదాపు పదహారేళ్లపాటు నిరాహారదీక్ష చేసి ప్రపంచం దృష్టిని ఆకర్షించిన ఇరోమ్ చాను షర్మిల ఎన్నికల బరిలోకి దిగటంతో మణిపూర్ అసెంబ్లీ ఎన్నికలు ప్రాధాన్యతను సంతరించుకున్నాయి.