దేశవ్యాప్తంగా అత్యంత విస్మయకరమైన దిగ్భ్రాంతికరమైన నేర ఘట్టాల్లో షీనా బోరా కేసును ప్రధానంగా పేర్కొనాలి. నేరం, హత్య కలగలసిన ఈ కేసు రోజురోజుకూ కొత్త మలుపు తిరుగుతూ దర్యాప్తు సంఘాలకే సవాలు విసురుతోంది. దాదాపు అన్ని చానళ్లలోనూ ఆగస్టునుంచి నేటి వరకూ కూడా షీనాబోరా కేసుకు సంబంధించిన మిస్టీరీలు మారుమోగుతూనే ఉన్నాయి.

బెంగళూరు, డిసెంబర్ 23: తక్కువ ధరకు వైద్య చికిత్స అనేది ఇప్పటికీ ఒక పెద్ద సవాలుగానే ఉందని, క్యాన్సర్ చికిత్స ఖర్చును అందరికీ అందుబాటులో ఉండేలా చేయడం కోసం కేంద్ర, రాష్ట్ర ప్రభుత్వాలు తీవ్రమైన కృషి చేస్తున్నాయని రాష్టప్రతి ప్రణబ్ ముఖర్జీ చెప్పారు. భరించగలిగే వైద్య చికిత్స అనేది మన దేశంలో ఇప్పటికీ సవాలుగానే ఉంటోంది.

అమేథి, డిసెంబర్ 23: విపరీతంగా పెరుగుతున్న నిత్యావసర వస్తువుల ధరల విషయంలో కాంగ్రెస్ ఉపాధ్యక్షుడు రాహుల్ గాంధీ బుధవారం ఇక్కడ ప్రధానమంత్రి నరేంద్ర మో దీపై విరుచుకుపడ్డారు. ‘అచ్ఛే దిన్’ (మంచి రోజులు) ప్రధానమంత్రికే వచ్చాయని, సామాన్య ప్రజలకు రాలేదని ఆయన విమర్శించారు. రాహుల్ తాను ప్రాతినిధ్యం వహిస్తున్న అమేథి లోక్‌సభ నియోజవర్గంలో రెండు రోజుల పాటు పర్యటించడానికి బుధవారం ఇక్కడికి వచ్చారు.

న్యూఢిల్లీ, డిసెంబర్ 23: బోనస్ సవరణ బిల్లుకు పార్లమెంటు ఉభయ సభలు ఆమోదం తెలపటం పట్ల కేంద్ర కార్మిక శాఖ మంత్రి బండారు దత్తాత్రేయ హర్షం వ్యక్తం చేశారు. బుధవారం ఆయన విలేఖరులతో మాట్లాడుతూ కార్మికుల ప్రయోజనాలను కాపాడేందుకు ఉద్దేశించిన బోనస్ సవరణ బిల్లుకు మద్దతు ఇచ్చిన అన్ని పార్టీలకు ఆయన కృతజ్ఞతలు తెలిపారు.