ఢిల్లీ : వీకే సింగ్‌ చేసిన వ్యాఖ్యలను నిరసిస్తూ పార్లమెంటు భవనం ఆవరణలో గాంధీ విగ్రహం ఎదుట కాంగ్రెస్‌ ఉపాధ్యక్షుడు రాహుల్‌ గాంధీ ఆధ్వర్యంలో ఆ పార్టీ ఎంపీలు ఆందోళనకు చేశారు. మంత్రి వీకే సింగ్‌ దళితులపై చేసిన వ్యాఖ్యలను వెనక్కి తీసుకోవాలని వారు డిమాండు చేశారు.

చెన్నై : వర్షాలు, వరదలతో అస్తవ్యస్తమైన చెన్నై నగరంలో ఎన్డీఆర్‌ఎఫ్‌, ఆర్మీ సహా నేవీ, వైమానిక దళాలు రామాపురం ప్రాంతంలో దీప్తి వెల్‌చామి(28) అనే నిండు గర్భిణిని హెలికాప్టర్‌ సహాయంతో ఆస్పత్రికి తరలించారు. ఇంటి పైకప్పు నుంచి ఆమెను హెలికాప్టర్‌లో తాంబరం ఎయిర్‌బేస్‌కు తరలించారు. అక్కడి నుంచి ఆస్పత్రికి తీసుకెళ్లారు.

ముంబయి : ముంబయిలో భారీ అగ్నిప్రమాదం సంభవించింది. కాండివిలి ప్రాంతంలోని ఓ గోడౌన్‌లో నుంచి మంటల చెలరేగాయి. అకుర్లిరోడ్‌లో ఉన్న మురికివాడలో ఈ గోడౌన్ ఉంది. ఈ ప్రమాదంలో పలువురికి గాయాలయ్యాయి. పలుమార్లు గ్యాస్ సిలెండర్లు పేలిన శబ్దాలు కూడా వినిపించాయని స్థానికులు తెలిపారు.

న్యూఢిల్లీ: ఉత్తర భారతదేశంలో సోమవారం మధ్యాహ్నం భూకంపం సంభవించింది. రిక్టర్ స్కేలుపై భూకంప తీవ్రత 7.2గా నమోదైంది. దేశ రాజధాని ఢిల్లీ సహా పంజాబ్, జమ్ము కశ్మీర్ ఇతర రాష్ట్రాల్లో భూప్రకంపనలు వచ్చాయి.తజకిస్థాన్లో భూకంప కేంద్రం ఉన్నట్టు గుర్తించారు. ఎలాంటి ప్రాణ, ఆస్తి నష్టం జరిగినట్టు సమాచారం లేదు.