S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

03/17/2020 - 16:06

న్యూఢిల్లీ: తాజ్ సందర్శనను నిలిపివేశారు. దేశంలో కరోనా వైరస్ విజృంభిస్తుండటంతో పర్యాటక ప్రదేశాలను మూసివేస్తున్నారు. కరోనా విజృంభిస్తున్న నేపథ్యంలో మార్చి 31వ తేదీ వరకు దేశంలో పాఠశాలలు, విశ్వవిద్యాలయాలు, వ్యాయామశాలలు, పురాతన కట్టడాల సందర్శన, ప్రదర్శనశాలలు, మ్యూజియంలను మూసివేస్తున్నట్లు కేంద్ర పర్యాటక శాఖ వెల్లడించింది. ఈ మేరకు పర్యాటక శాఖ మంత్రి ప్రహ్లాద్ పటేల్ తెలిపారు.

03/17/2020 - 16:06

న్యూఢిల్లీ: కరోనా వైరస్‌ను అరికట్టేందుకు సరైన రీతిలో స్పందించకుంటే రాబోయే రోజుల్లో దేశ ఆర్థిక వ్యవస్థ దారుణంగా దెబ్బతింటుందని కాంగ్రెస్ ఎంపీ రాహుల్ గాంధీ అన్నారు. ఆయన పార్లమెంటు ప్రాంగణంలో విలేకరులతో మాట్లాడుతూ కరోనా వైరస్ సునామీ వంటిదని అన్నారు. దేశ ఆర్థిక వ్యవస్థ దెబ్బతింటే దేశం ఎన్నో ఇబ్బందులను ఎదుర్కోవలసి వస్తుందని అన్నారు.

03/17/2020 - 13:47

న్యూఢిల్లీ: సుప్రీం కోర్టు మాజీ ప్రధాన న్యాయమూర్తి జస్టిస్ రంజన్ గొగోయ్ రాజ్యసభకు నామినేట్ అయ్యారు. నామినేటెడ్ సభ్యుల పదవీకాలం ముగియటంతో వారిని నియమించాల్సి ఉంది. ఈ నేపథ్యంలో రాష్టప్రతి రామ్‌నాథ్ కోవింద్ జస్టిస్ రంజన్ గొగోయ్‌ను నామినేట్ చేస్తూ ఉత్తర్వులు జారీ చేశారు. 2018లో సీజేఐగా బాధ్యతలు స్వీకరించిన ఆయన తన పదవీకాలంలో ఎన్నో కీలక తీర్పులు వెలువరించారు.

03/17/2020 - 13:12

న్యూఢిల్లీ: మధ్యప్రదేశ్‌లో బలపరీక్ష నిర్వహణపై బీజేపీ వేసిన పిటిషన్‌ను రేపటికి సుప్రీం కోర్టు వాయిదా వేసింది. జస్టిస్ డివై చంద్రచూడ్ నేతృత్వంలో ధర్మాసనం మంగళవారం బీజేపీ నేతల పిటిషన్‌ను స్వీకరించింది. కాంగ్రెస్ తరపు నుంచి ఎవ్వరూ విచారణకు హాజరుకాకపోవటంపై విచారణను రేపు ఉదయం 10.30 గంటలకు వాయిదా వేస్తున్నట్లు ధర్మాసనం తెలిపింది.

03/17/2020 - 12:41

ముంబయి: కరోనా వైరస్ సోకిన కేసులు మహారాష్టల్రో అత్యధికంగా నమోదు అయ్యాయి. దాదాపు ఇక్కడ 39 కేసులు నమోదు అయినట్లు అధికారులు వెల్లడించారు. అంతేకాదు ప్రధాన నగరమైన నాగపూర్‌లో 144 సెక్షన్ విధించారు. కరోనాపై సీఎం ఉద్ధవ్ థాకరే మాట్లాడుతూ రాష్ట్రంలోని ఏ ఒక్క పట్టణాన్ని నిర్బంధంలో ఉంచలేమని అన్నారు. అందుకే ప్రజలు అప్రమత్తంగా ఉండాలని కోరారు. దేవాలయాలు, చర్చిలకు గుంపులుగా వెళ్లవద్దని సూచించారు.

03/17/2020 - 12:40

న్యూఢిల్లీ: అమెరికాలో రోజురోజుకి విజృంభిస్తున్న కరోనాను అరికట్టేందుకు అధ్యక్షుడు డొనాల్డ్ ట్రంప్ రంగంలోకి దిగారు. ఆయన కరోనాపై మాట్లాడుతూ రానున్న రోజుల్లో అమెరికా ఆర్థిక మాంద్యం పరిస్థితులను ఎదుర్కోవచ్చని అన్నారు. కాని ఈ పరిస్థితులను అధిగమిస్తామని ధీమా వ్యక్తంచేశారు. విమానయాన సర్వీసులను నిలిపివేయటంతో ఆ రంగం గడ్డు పరిస్థితులను ఎదుర్కొంటుంది. ఈ రంగాన్ని ఆదుకుంటామని ట్రంప్ హామీ ఇచ్చారు.

03/17/2020 - 12:40

ముంబయి: షిరిడీ ఆలయాన్ని ఈ రోజు మధ్యాహ్నం మూడు గంటల నుంచి మూసివేస్తున్నారు. దేశవ్యాప్తంగా 125 కరోనా కేసులు నమోదు కాగా ఒక మహారాష్టల్రోనే 39 కేసులు నమోదు అయ్యాయి. దీంతో అత్యంత రద్దీగా ఉండే ప్రాంతాల్లో ముందు జాగ్రత్తలు తీసుకుంటున్నారు. ఇందులో భాగంగా షిరిడీ ఆలయాన్ని మూసివేశారు. మళ్లీ ఆదేశాలు వచ్చే వరకు ఎవ్వరూ కూడా దర్శనానికి రావద్దని, భక్తులు తమ ప్రయాణాలను రద్దుచేసుకోవాలని ఆలయ అధికారులు కోరారు.

03/17/2020 - 12:39

న్యూఢిల్లీ: తన సస్పెన్షన్ సవాల్ చేస్తూ సీనియర్ ఐపీఎస్ అధికారి ఏబీ వెంకటేశ్వరరావు దాఖలు చేసిన పిటిషన్‌ను కేంద్ర పరిపాలన ట్రైబ్యూనల్ మంగళవారంనాడు తీర్పు వెలువరించింది. ఆయన దాఖలు చేసిన పిటిషన్‌ను క్యాట్ కొట్టివేసింది. భద్రతా ఉపకరణాల కొనుగోలులో అతిక్రమణలు జరిగాయని ఏపీ ప్రభుత్వం ఆయనను సస్పెన్షన్ చేసింది. తన సస్పెన్షన్ వ్యతిరేకిస్తూ ఆయన ట్రైబ్యునల్‌ను ఆశ్రయించారు.

03/17/2020 - 12:39

న్యూఢిల్లీ: భారత్‌లో ఇప్పటి వరకు ముగ్గురు కరోనా సోకి మృతిచెందారు. మహారాష్టల్రో 64 ఏళ్ల వృద్ధుడు కరోనా సోకి చనిపోయినట్లు నిర్థారించారు. ఇతను ముంబయిలోని కస్తూర్బా ఆసుపత్రిలో చికిత్సపొందుతూ చనిపోయాడు. దీంతో అధికార యంత్రాంగం అప్రమత్తమైంది. ఇదిలావుండగా ఈ వ్యాధి సోకి మృతిచెందిన ఇద్దరిలో ఒకరు ఢిల్లీకి చెందినవారు కాగా, మరొకరు కర్ణాటక రాష్ట్రానికి చెందిన వ్యక్తి.

03/17/2020 - 06:49

న్యూఢిల్లీ: కరోనా వైరస్ పేరిట శాసన సభను వాయిదా వేసి పది రోజుల పాటు బలపరీక్ష నుండి తప్పించుకునేందుకు ప్రయత్నించిన మధ్యప్రదేశ్ ముఖ్యమంత్రి కమల్‌నాథ్‌కు రాష్ట్ర గవర్నర్ లాల్జీ టాండన్ సోమవారం సాయంత్రం షాక్ ట్రీట్‌మెంట్ ఇచ్చారు. శాసన సభలో మంగళవారంలోగా బలపరీక్ష జరపకపోతే మెజారిటీ కోల్పోయినట్లు భావించాల్సి వస్తుందంటూ గవర్నర్ లాల్జీ టాండన్ ముఖ్యమంత్రి కమల్‌నాథ్‌కు సోమవారం సాయంత్రం లేఖ రాశారు.

Pages