జమ్మూకాశ్మీర్: జమ్మూకాశ్మీర్‌లో ఉగ్రవాదులు ఘాతుకానికి పాల్పడ్డారు. మాజీ ఎస్పీఓ బషత్ అహ్మద్‌ను ఉగ్రవాదులు శుక్రవారం అర్థరాత్రి కిడ్నాప్ చేసి హత్య చేశారని పోలీసు వర్గాలు వెల్లడించాయి. ఎస్పీఓతో కిడ్నాప్ చేసిన మరో ఇద్దరు స్థానికులను విడిచిపెట్టారు.

భోపాల్: దేశంలోని ప్రతి భారతీయుడు గర్వించేలా పాక్‌పై మెరుపుదాడులు నిర్వహించామని కేంద్ర రక్షణ మంత్రి నిర్మలా సీతారామన్ అన్నారు. మీడియా సమావేశంలో ఓ విలేకరి ఈ మెరుపుదాడులపై వ్యంగంగా ప్రశ్నించటంపై ఆమె మండిపడ్డారు. ఆ విలేకరి హిందీలో అడిగిన ప్రశ్న నాకు తెలుసని, నాకు హిందీ వచ్చునని అన్నారు.

లక్నో: ప్రధాని మోదీ తన వాగ్ధానాలను 50 శాతం కూడా నెరవేర్చలేకపోయారని, అందుకే మళ్లీ రామాలయ నిర్మాణాన్ని ముందుకు తెస్తున్నారని యూపీ మాజీ సీఎం మాయావతి ఆరోపించారు. ఆమె మీడియాతో మాట్లాడుతూ ఒకవేళ ఆలయ నిర్మాణం చేపట్టాలనే చిత్తశుద్ధి ఉంటే ఐదేళ్లలో నిర్మించేదని అన్నారు. కేవలం రాజకీయ ఉద్దేశ్యంతోనే మళ్లీ రామాలయ నిర్మాణాన్ని తెరపైకి తీసుకువస్తున్నారని ఆమె విమర్శించారు.

కొచి: శబరిమల ఆలయంలో అన్ని వయస్సుల మహిళలకు సుప్రీంకోర్టు తీర్పు ప్రకారం ప్రవేశం కల్పించేందుకు కేరళ ప్రభుత్వం కొత్త ప్రతిపాదనను తెరపైకి తెచ్చింది. ఈ ప్రతిపాదన ప్రకారం రెండు రోజుల పాటు మహిళా భక్తులకు ఆలయంలో ప్రవేశించి పూజలు చేసుకునేందుకు వీలు కల్పిస్తామని కేరళ ప్రభుత్వం హైకోర్టుకు తెలిపింది.