బెంగళూరు, నవంబర్ 24: ప్రముఖ కన్నడ నటుడు అంబరీష్ (66) శనివారం ఇక్కడి ఒక ప్రైవేటు ఆసుపత్రిలో కన్నుమూశారు. స్వల్పంగా గుండెపోటు రావడం వల్ల ఆయన తుదిశ్వాసను విడిచినట్టు ఆసుపత్రి వర్గాలు తెలిపాయి. ఆయన భార్య, ప్రముఖ నటి సుమలత. ఐదు దశాబ్దాల సినీ కెరీర్‌లో 200కు పైగా చిత్రాల్లో ఆయన నటించారు. ఆయన రాజకీయాల్లోనూ చురుగ్గా వ్యవహరించారు.

జైపూర్, నవంబర్ 24: రాజస్థాన్ అసెంబ్లీ ఎన్నికల్లో రసవత్తరమైన పోటీ జరుగుతోంది. 200 స్థానాలున్న రాజస్థాన్ అసెంబ్లీలో 33 చోట్ల ప్రత్యక్ష పోటీ నెలకొంది. అంటే 2013 ఎన్నికల్లో తలబడిన బీజేపీ, కాంగ్రెస్ అభ్యర్థులే ఇప్పుడూ పోటీ పడడం గమనార్హం. 43 నియోజకవర్గాల్లో ఈసారి అభ్యర్థులను మార్చారు. 124 స్థానాల్లో రెండు పార్టీలూ కొత్త అభ్యర్థులను రంగంలోకి దించాయి.

న్యూఢిల్లీ, నవంబర్ 24: ఆలిండియా రేడియో కార్యక్రమం ప్రధాన మంత్రి నరేంద్ర మోదీ ‘మన్ కీ బాత్’ 50వ ఎపిసోడ్ ఆదివారం ప్రసారం కానుంది. అక్టోబర్ 2014లో నరేంద్ర మోదీ ‘మన్ కీ బాత్’ పేరుతో సాంఘిక, జాతీయ, అంతర్జాతీయ విషయాలు, విశేషాలతోపాటు బాలికా విద్య, పరీక్షల్లో ఒత్తిడిని ఎదుర్కోవడం, పర్యావరణ పరిరక్షణ వంటి అనేక అంశాలపై సూచనలు, సలహాలు, ఉదాహరణలతో వివరిస్తున్న విషయం తెలిసిందే.

కోట, నవంబర్ 24: మా ఆయనే గెలుస్తారంటూ మానే్వంద్రసింగ్ భార్య చిత్రాసింగ్ ధీమాగా చెబుతున్నారు. చిత్రాసింగ్ ఎవరంటే బీజేపీ దివంగత నేత జస్వంత్‌సింగ్ సింగ్ కోడలు. జస్వంత్ కుమారుడు మానే్వంద్ర సింగ్ ముఖ్యమంత్రి వసుంధర రాజేపై పోటీ చేస్తున్నారు. జాల్‌రాపటాన్ నియోజకవర్గం నుంచి రాజేతో మానే్వంద్ర తలపడుతున్నారు. 2013 ఎన్నికల్లో బార్మేర్ జిల్లా షియో నుంచి బీజేపీ టిక్కెట్‌పై గెలిచారు.