న్యూఢిల్లీ, అక్టోబర్ 5: కాశ్మీర్‌లో అశాంతిని కలిగించడం తప్ప మరో అజెండా పాకిస్తాన్‌కు లేదని, పాక్ దుర్నీతిని అంతర్జాతీయ వేదికలపై ఎండగడుతామని కేంద్ర హోంశాఖ మంత్రి రాజ్‌నాథ్‌సింగ్ ధ్వజమెత్తారు. కాశ్మీర్‌లో జరగనున్న స్థానిక ఎన్నికల్లో 90 శాతం ప్రజలు పాల్గొనేందుకు ఉవీళ్లూరుతున్నారని ఆయన అన్నారు.

నర్హర్‌పూర్ (చత్తీస్‌గఢ్), అక్టోబర్ 5: భారతీయ జనతా పార్టీ అధ్యక్షుడు అమిత్ షా శుక్రవారం కాంగ్రెస్ పార్టీపై తీవ్ర ఆరోపణలు చేశారు. కాంగ్రెస్ పార్టీ 2003వ సంవత్సరం కన్నా ముందు చత్తీస్‌గఢ్‌లో అధికారాన్ని నిలబెట్టుకోవడానికి నక్సలైట్లతో కుమ్మక్కయిందని ఆయన ఆరోపించారు. బీజేపీ అధికారంలోకి వచ్చాక రాష్ట్రంలో మావోయిస్టు జాఢ్యాన్ని నియంత్రించడంలో విజయవంతమయిందని ఆయన పేర్కొన్నారు.

చిత్రం:
=====
ఢిల్లీలో శుక్రవారం జరిగిన భారత్-రష్యా ప్రతినిధుల స్థాయ సమావేశానికి వెళుతున్న
విదేశాంగ మంత్రి సుషా మస్వరాజ్, రక్షణ మంత్రి నిర్మలా సీతారామన్

న్యూఢిల్లీ: పోలవరం మిగులు జలాలపై మరో అధ్యయనం అవసరం లేదని కేంద్ర ప్రభుత్వం సుప్రీం కోర్టుకు తెలిపింది. తెలంగాణ, ఒడిశా ప్రభుత్వాలు కోరిన అధ్యయనం అవసరం లేదని తెలపటంతో నిల్వ జలాలపై విచారణ కూడా అవసరం లేదని కోర్టు స్పష్టం చేసింది. తదుపరి విచారణను నవంబర్ 15న నిర్వహిస్తామని జస్టిస్ మదన్ బి. లోకూర్ ధర్మాసనం స్పష్టం చేసింది.