విశాఖపట్నం, ఆగస్టు 17: ఇక నుంచి రైతులు తమకు అవసరమైన రుణాల కోసం రోజుల తరబడి బ్యాంకుల చుట్టూ ప్రదక్షిణలు చేయనక్కర్లేదు. క్షణాల్లో రుణాలే రైతు ఇంటికి వెళ్తాయి. అటువంటి అత్యాధునిక సాంకేతిక విజ్ఞానంతో కూడిన ‘మొబైల్ ఏటీఎం’ వాహనాలను రాష్ట్ర ప్రభుత్వం అందుబాటులోకి తీసుకువచ్చింది. వీటిని ప్రతి జిల్లా కేంద్ర సహకార బ్యాంకు(డీసీసీబీ)ల ఆధ్వర్యంలో ఆంధ్ర రాష్ట్రంలో ప్రతిఒక్క జిల్లాలోను నిర్వహిస్తారు.

హైదరాబాద్, ఆగస్టు 17: కృష్ణా పరివాహక ప్రాంతం నుంచి వరద నీరు చేరుతుండటంతో నాగార్జునసాగర్ ఎడమ కాలువకు ఈ నెల 22 నుంచి నీరు విడుదల చేయాలని నీటిపారుదలశాఖ మంత్రి హరీశ్ రావు అధికారులను ఆదేశించారు. భవిష్యత్ మంచినీటి అవసరాలకు నీటిని నిల్వ చేసి, మిగిలిన నీటిని ఎడమ కాలువ ద్వారా నల్లగొండ, ఖమ్మం జిల్లాల్లోని ఆయకట్టుకు అందించాలని మంత్రి ఆదేశించారు.

హైదరాబాద్, ఆగస్టు 17: దేశంలో మహిళలపై జరుగుతున్న లైంగిక దాడుల పట్ల మహిళా దక్షత సమితి రాష్ట్ర అధ్యక్షురాలు డాక్టర్ సరోజ్ బజాజ్ ఆందోళన వ్యక్తం చేశారు. ఇటువంటి దురాగతాలపై తమ సమితి సభ్యులు తీవ్రంగా కలత చెందారని ఆమె శుక్రవారం ఆంధ్రభూమి ప్రతినిధితో మాట్లాడుతూ చెప్పారు. ఈ సమస్యపై సమావేశంలో చర్చించి కనీసం ఐదుగురు ఆడ పిల్లలకు తగిన సహాయం అందించడంపైనా చర్చించామని అన్నారు.

హైదరాబాద్, ఆగస్టు 17: ప్రైవేటు పాఠశాలల్లో ఇప్పటికే ఫీజుల భారంతో తలమునకలవుతున్న తల్లిదండ్రులకు పుస్తకాల మోత రోజురోజుకూ ఎక్కువ అవుతోంది. 3వేల రూపాయిలకు దొరికే పుస్తకాలను 20 నుండి 30వేల రూపాయిలకు ప్రైవేటు పాఠశాలలు అమ్ముతున్నాయి. స్కూల్ యూనిఫారం, బెల్టులు, బ్లేజర్‌లకు వేర్వేరు రుసుం వసూలు చేస్తున్న విద్యాసంస్థలు పాఠ్యపుస్తకాలకు అదనపు భారం వేస్తున్నాయి.