జంగారెడ్డిగూడెం : పశ్చిమ గోదావరి జిల్లాలో వర్షాలు విస్తారంగా కురుస్తున్నాయి. ఎగువ ప్రాంతాల నుంచి భారీగా వరద నీరు వచ్చి చేరడంతో సోమవారం యర్రకాలువ జలాశయానికి వరద ఉధృతి పెరిగింది. దీంతో అధికారులు యర్రకాలువ జలాశయంలో 4 గేట్లను ఎత్తివేశారు. 27 వేల క్యూసెక్కుల వరద నీటిని దిగువకు విడుదల చేశారు.

ఏలూరు : కుంభవృష్టితో పశ్చిమగోదావరి జిల్లా అతలాకుతలమైంది.ఎగువ ప్రాంతాల నుంచి చేరుతున్న భారీ వరద నీటి కారణంగా సోమవారం తమ్మిలేరు జలాశయంలోని 5 వేల క్యూసెక్కుల నీటిని అధికారులు దిగువకు విడుదల చేశారు. ప్రస్తుతం తమ్మిలేరు జలాశయ ఇన్‌ఫ్లో 12 వేల క్యూసెక్కులుగా నమోదయ్యింది. భారీగా వరద నీరు చేరడంతో ఇరిగేషన్‌ అధికారులు సోమవారం 5 వేల క్యూసెక్కుల నీటిని దిగువకు విడుదల చేశారు.

తిరువనంతపురం, ఆగస్టు 19: పెళ్లిళ్లు స్వర్గంలో జరుగుతాయంటారు. దైవభూమి వరదలతో అతలాకుతలమైంది. కాని పెళ్లి చేసుకోవాలనుకునేవారిని వరుణదేవుడు ఆపలేకపోయారు. వరద బీభత్సంతో కునారిల్లుతున్న మల్లపురం జిల్లాలో ఒక శిబిరంలో ఒక పెళ్లి జరిగింది. నూతన వధూవరులను శిబిరంలోని బాధితులు ఆశీర్వదించారు. అంజూ అనే అమ్మాయికి ఒకవరుడుతో పెళ్లి జరిగింది. శిబిరాన్ని ప్రాథమిక పాఠశాలలో ఏర్పాటు చేశారు.

విజయవాడ: రాష్ట్రంలో తిరుమల-తిరుపతి దేవస్థానం తరువాతి స్థానంలో విజయవాడలోని ఇంద్రకీలాద్రిపై వెలసిన శ్రీ దుర్గా మల్లేశ్వర స్వామి వార్ల దేవస్థానం అవినీతి, అక్రమాలకు అడ్డాగా మారింది. రాష్ట్రంలో అన్నవరం శ్రీ సత్యనారాయణస్వామి, ద్వారకాతిరుమల, సింహాచలం, తదితర పుణ్యక్షేత్రాల్లో ఎక్కడా లేనివిధంగా ఇక్కడ కొనసాగుతున్న వైదిక కమిటీ ఆలయ వ్యవహారాల్లో చలాయిస్తున్న పెత్తనం భక్తుల మనోభావాలను దెబ్బతీస్తోంది.