వరంగల్: వరంగల్‌లో ఘోర అగ్నిప్రమాదం చోటుచేసుకుంది. ఈ ఘటనలో పదిమంది మృతిచెందినట్లు, పలువురు గాయపడినట్లు అధికారులు వెల్లడించారు. కోటిలింగాల వద్ద ఉన్న బాణాసంచా కేంద్రంలో ఈ ప్రమాదం సంభవించినట్లు, అగ్నిమాపక సిబ్బంది మంటలు అదుపుచేసేందుకు ప్రయత్నిస్తున్నట్లు అధికారులు తెలిపారు. ఒక్కసారిగా భారీ శబ్దాలతో మంటలు చెలరేగటంతో స్థానికలు భయాందోళనచెందారు.

విశాఖపట్నం: విశాఖ రైల్వేజోన్ సాధన కోసం తెలుగుదేశం పార్టీ ఆధ్వర్యంలో నిరశన దీక్ష చేపట్టారు. ఈ దీక్షలో తెలుగుదేశం పార్టీ ఎంపీలు, ఎమ్మెల్యేలు, నేతలు పాల్గొన్నారు. విశాఖ కేంద్రంగా రైల్వేజోన్ వచ్చేవరకు తమ పోరాటం ఆగదని ఈ సందర్భంగా మంత్రి అయ్యన్నపాత్రుడు తెలిపారు. రైల్వేజోన్ కోసం అన్ని పార్టీలు ఏకమై పోరాడాలని పిలుపునిచ్చారు. మంత్రి గంటా శ్రీనివాసరావు కూడా పాల్గొన్నారు.

హైదరాబాద్, జూలై 3: కాలానుగుణంగా సేద్యంలో మార్పులు చోటు చేసుకోవాలని, వ్యవసాయాన్ని లాభదాయకంగా మార్చేందుకు అనేక వ్యూహాలను అనుసరించాల్సి ఉందని ఉప రాష్టప్రతి ఎం వెంకయ్యనాయుడు పేర్కొన్నారు. సెంట్రల్ రీసెర్చి ఇనిస్టిట్యూట్ ఫర్ డ్రైల్యాండ్ అగ్రికల్చర్ (క్రిడా)లో శాస్తవ్రేత్తలు, వ్యవసాయ నిపుణులను ఉద్ధేశించి ఉప రాష్టప్రతి వెంకయ్యనాయుడు మాట్లాడారు.

హైదరాబాద్, జూలై 3: సమ్మె విరమిస్తున్నట్టు రేషన్ డీలర్లు ప్రకటించారు. మంగళవారం సాయంత్రం రేషన్ డీలర్లతో పౌరసరఫరాలశాఖ మంత్రి ఈటల రాజేందర్ జరిపిన చర్చలు సఫలం అయ్యాయి. తమ ప్రధాన డిమాండ్లను తీర్చడానికి ప్రభుత్వం అంగీకరించడంతో సమ్మె విరమిస్తున్నామని రేషన్ డీలర్ల రాష్ట్ర సంఘం అధ్యక్షుడు నాయికోటి రాజు ప్రకటించారు.