విజయవాడ, జూలై 5: రాష్ట్రంలో అదనంగా మరో 5 లక్షల గృహాలను మంజూరు చేసి, పేదవాళ్లకు ఇళ్లు కట్టిస్తామని ముఖ్యమంత్రి చంద్రబాబు ప్రకటించారు. 2022 సంవత్సరానికి ముందే పేదవాడి సొంత ఇంటి కలను సాకారం చేస్తామని స్పష్టంచేశారు. కుటుంబ పెద్దగా ఆడబిడ్డలకు పసుపుకుంకుమ కానుక కింద ఈ ఇళ్లను ఇస్తున్నట్లు తెలిపారు.

విశాఖపట్నం, జూలై 5: ‘గత ఎన్నికల్లో మీకు మద్దతు ఇచ్చి, మీ పక్కన ఉన్నప్పుడు నా కులం కనిపించలేదా? మీతో విభేదించి, పార్టీ పెడితే దానికి కులాన్ని అంటకడతారా?’ అంటూ సీఎం చంద్రబాబుపై జనసేన అధినేత పవన్ కల్యాణ్ నిప్పులు చెరిగారు. విశాఖ నగరంలో వివిధ వర్గాలకు చెందిన వారు గురువారం జనసేన పార్టీలో చేరారు.

కర్నూలు, జూలై 5: రాష్ట్రానికి న్యాయం చేయడంలో కేంద్ర ప్రభుత్వం వ్యవహరించిన తీరుతో అసంతృప్తితో ఉన్న ప్రజలను తిరిగి తమ వైపు తిప్పుకునేందుకు కాంగ్రెస్ పెద్దలు వ్యూహాత్మక రీతిలో ముందుకెళుతున్నారు. రాష్ట్రంలో పార్టీ తిరిగి అధికారంలోకి రావడం 2024లోనే సాధ్యమని అంచనా వేస్తున్నారు. ఇందులో భాగంగానే ‘ఆపరేషన్ 2024’ వ్యూహాత్మకంగా అడుగులు వేస్తున్నారు.

హైదరాబాద్, జూలై 5: ఆంధ్రప్రదేశ్, తెలంగాణ రాష్ట్రాల మధ్య ఉద్యోగుల విభజనలో పెండింగ్ అంశాలపై విభజన కమిటీ కొన్ని కీలక నిర్ణయాలు తీసుకుంది. ఇరు రాష్ట్రాల మధ్య ఉపాధ్యాయుల బదిలీలకు మార్గదర్శకాలను కమిటీ ఖరారు చేసింది. స్థానికతతో ప్రమేయం లేకుండా బదిలీలు కోరుకునే ఉపాధ్యాయులు, అధ్యాపకులకు కమిటీ గ్రీన్ సిగ్నల్ ఇచ్చింది.