హైదరాబాద్, జూలై 2: తెలంగాణలో గ్రామ పంచాయతీ ఎన్నికలకు సంబంధించి 73వ రాజ్యాంగ సవరణ గండిపడే ప్రమాదం కనిపిస్తున్నది. ఆ సవరణ ప్రకారం ప్రతి ఐదేళ్లకు ఒకసారి పంచాయతీ ఎన్నికలు తప్పనిసరిగా జరిగి తీరాలి. అయితే, ప్రస్తుతం హైకోర్టులో కేసు పెండింగ్‌లో ఉన్నందువల్ల, సకాలంలో ఎన్నికల ప్రక్రియ పూర్తయే దాఖలాలు కనిపించడం లేదు.

విజయవాడ, జూలై 2: పోలీసులతో సమానంగా స్ఫూర్తిమంతంగా, క్రమశిక్షణగా సేవలు అందించటంలో హోంగార్డులు ఏమాత్రం తీసిపోరని, ప్రజలకు సేవలు అందించటంలో వీరి పాత్ర నిరుపమానమైనదని ముఖ్యమంత్రి నారా చంద్రబాబు కితాబిచ్చారు. సోమవారం జరిగిన హోంగార్డుల ఆత్మీయ అభినందన సభలో ముఖ్యమంత్రి వారికి వరాలు ప్రకటించారు. హోంగార్డుల ఉత్సాహం చూస్తుంటే వారికి చాలా చేయాలనే ఉందని, కానీ రాష్ట్ర ఆర్థిక పరిస్థితి సహకరించటం లేదన్నారు.

శృంగవరపుకోట, కొత్తవలస, జూలై 2: ఏపీ అభివృద్ధికి ఒక సరికొత్త రాజకీయ వ్యవస్థ అవసరమని, అది జనసేనతోనే సాధ్య పడుతుందని ఆపార్టీ అధినేత పవన్‌కల్యాణ్ అన్నారు. సోమవారం విజయనగరం జిల్లా శృంగవరపుకోట నియోజకవర్గంలో జరిగిన ప్రజాపోరాట యాత్రలో మాట్లాడుతూ రాష్ట్రం విడిపోయిన తరువాత ప్రత్యేహోదాకు పోరాడదామని ముఖ్యమంత్రికి చెప్పినా వినలేదన్నారు. టీడీపీ నాయకులు ప్రత్యేక హోదాను తాకట్టుపెట్టారని ఆయన మండిపడ్డారు.

విశాఖపట్నం, జూలై 2: ఉపాధ్యాయ అర్హత పరీక్ష (టెట్) 2018 ఫలితాలను మానవ వనరులు శాఖ మంత్రి గంటా శ్రీనివాసరావు సోమవారం విడుదల చేశారు. టెట్ 2018లో 2,13,042 మంది (57.48శాతం) మంది అర్హత సాధించారు. టెట్ 2018కి 3,97,957 మంది దరఖాస్తు చేసుకోగా, 3,70,573 మంది (93.11 శాతం) హాజరయ్యారన్నారు. అంతకు ముందు 2017లో నిర్వహించిన టెట్‌లో ఉత్తీర్ణత శాతం కేవలం 46.85 శాతం మాత్రమేనన్నారు.