విజయవాడ, మే 7: ప్రగతిశీల రాష్ట్రాలు నీరుగారిపోయేలా, సహకార సమాఖ్య స్ఫూర్తికి విఘాతం కలిగించేలా కేంద్రం వ్యవహరిస్తోందని వివిధ రాష్ట్రాల ఆర్థిక మంత్రుల సదస్సు అభిప్రాయపడింది. అభివృద్ధి చెందుతున్న రాష్ట్రాలపై కేంద్రం చూపుతున్న వివక్షకు 15వ ఆర్థిక సంఘం విధివిధానాలు అద్దం పడుతున్నాయని అసంతృప్తి వ్యక్తం చేసింది. 15వ ఆర్థిక సంఘం రూపొందించిన టర్మ్స్ ఆఫ్ రిఫరెన్స్ (టీవోఆర్)ను వ్యతిరేకించింది.

హైదరాబాద్, మే 7: అటకెక్కిన ఓటుకు నోటు కేసును ప్రభుత్వం తిరగదోడుతోంది. తెలుగు రాష్ట్రాల్లో కేసు తీవ్ర సంచలనం సృష్టించిన విషయం తెలిసిందే. కేసు పురోగతిపై సోమవారం ప్రగతి భవన్‌లో పోలీసు ఉన్నతాధికారులు, న్యాయ నిపుణులతో సీఎం కేసీఆర్ సమీక్షించారు. లభించిన కీలక ఆధారాలు, ఫోరెన్సిక్ ల్యాబ్ నివేదికపై ఆరా తీయడంతోపాటు కేసు పురోగతిని అడిగి తెలుసుకున్నారు. సుప్రీంకోర్టులో కౌంటర్ దాఖలుపైనా చర్చించారు.

గుంటూరు, మే 7: ఎర్రచందనం స్మగ్లింగ్‌ను పూర్తిస్థాయిలో నిరోధించేందుకు ద్విముఖ వ్యూహాన్ని అనుసరించాలని ఆంధ్ర, తమిళనాడు అటవీ అధికారులు నిర్ణయించారు. దీంతోపాటు అటవీ సంపద పరిరక్షణ, వన్యప్రాణుల సంరక్షణపై పరస్పర సహకారం అందించుకునేందుకు రెండు రాష్ట్రాల మధ్య ఒప్పందం కుదిరింది. సోమవారం చెన్నైలో ఆంధ్రప్రదేశ్, తమిళనాడు రాష్ట్రాల అటవీ శాఖల అధికారులు సమావేశమయ్యారు.

గుడివాడ, మే 7: పేదలకు ఇళ్ల నిర్మాణం పేరుతో లంచాలు తింటున్న చంద్రబాబును, కాంట్రాక్టర్లను వైకాపా అధికారం చేపట్టిన వెంటనే జైల్లో పెట్టిస్తానని ప్రతిపక్ష నేత వైఎస్ జగన్మోహనరెడ్డి అన్నారు. ప్రజాసంకల్ప యాత్రలో భాగంగా సోమవారం రాత్రి కృష్ణా జిల్లా గుడివాడ పట్టణంలోని నెహ్రూచౌక్ సెంటర్‌లో జరిగిన భారీ బహిరంగ సభలో ఆయన మాట్లాడారు. పేదల ఇళ్ల నిర్మాణంలో అవినీతి తారస్థాయికి చేరిందని ఆరోపించారు.