హైదరాబాద్: సివిల్ సర్వీసెస్ 2017లో ఆలిండియా మొదటి ర్యాంకు సాదించిన రాష్ర్టానికి చెందిన దురిశెట్టి అనుదీప్ ఇవాళ సీఎం కేసీఆర్‌ను ప్రగతి భవన్‌లో కలిశారు. అనుదీప్ తన తల్లిదండ్రులతో కలిసి ప్రగతి భవన్‌కు వెళ్లారు. ఈ సందర్భంగా సీఎం వాళ్లతో కలిసి భోజనం చేశారు. అనంతరం అనుదీప్, ఆయన తల్లిదండ్రులను సీఎం సత్కరించారు. యువతకు అనుదీప్ ఆదర్శంగా నిలిచారని సీఎం కొనియాడారు.

హైదరాబాద్‌: కోమటిరెడ్డి వెంకటరెడ్డి, సంపత్‌కుమార్‌ సస్పెన్షన్ విషయంలో హైకోర్టు తీర్పు ఇచ్చి 20 రోజులు గడుస్తున్నా అమలు చేయకపోవటం దారుణమని తెలంగాణ పీసీసీ అధ్యక్షుడు ఉత్తమ్ కుమార్ రెడ్డి అన్నారు. కాంగ్రెస్‌ నేతలు షబ్బీర్ అలీ, జీవన్ రెడ్డి, మాజీ స్పీకర్ సురేశ్‌రెడ్డి, వంశీచంద్ రెడ్డి, దాసోజు శ్రావణ్‌తో కలిసి ఉత్తమ్‌కుమార్‌రెడ్డి ఈరోజు గవర్నర్‌ నరసింహన్‌ను రాజ్‌భవన్‌లో కలిశారు.

అనంతపురం: ఏపీకి ప్రత్యేక హోదా కోసం ధర్మవరంలో సైకిల్ యాత్ర చేస్తుండగా టీడీపీ ఎమ్మెల్యే గోనుగుంట్ల సూర్యనారాయణ వడదెబ్బతో తీవ్ర అస్వస్థకు గురై మార్గం మధ్యలో కుప్పకూలారు. టీడీపీ నేతలు, కార్యకర్తలు ఎమ్మెల్యేను ఆస్పత్రికి తరలించి చికిత్స అందించారు. ఈ ఉదయం ఆయన పోతుకుంట నుంచి ధర్మవరం పట్టణానికి 10 కిలోమీటర్ల యాత్ర చేపట్టారు.

చుండూరు: దాచేపల్లి ఘటనను మరువకముందే చుండూరు మండలం మోదుకూరులో ఏడేళ్ల బాలికపై అత్యాచారం జరిగింది. ఏడేళ్ల బాలికపై నాగుల్‌మీరా అనే యువకుడు అత్యాచారం చేశాడు. రెండు రోజులు క్రితం జరిగింది. విషయం తెలుసుకున్న తల్లిదండ్రులు పోలీసు స్టేషన్‌లో ఫిర్యాదు చేశారు.