విజయవాడ, మే 8: రాష్ట్రంలో సింగపూర్ తరహాలో నైట్ సఫారీలను అభివృద్ధి చేయాలని అధికారులకు ముఖ్యమంత్రి చంద్రబాబునాయుడు సూచించారు. ఏనుగులు, కోతుల బెడదను అరికట్టేందుకు వీలుగా ఒక కమిటీని ఏర్పాటు చేయనున్నట్టు ప్రకటించారు. ఉండవల్లిలోని గ్రీవెన్స్ హాల్‌లో మంగళవారం జిల్లా కలెక్టర్ల సదస్సులో ఆయన మాట్లాడుతూ తిరుపతి, విశాఖ నగరాల్లో నైట్ సఫారీలు, అమరావతిలో జంతు ప్రదర్శనశాల ఏర్పాటు చేయాలని ఆదేశించారు.

హైదరాబాద్: ఓటుకు నోటు కేసుపై ముఖ్యమంత్రి కేసీఆర్ సమీక్ష చేయటంతో ఈ కేసులో కీలకవ్యక్తి అయిన మత్తయ్య మీడియా ముందుకు వచ్చారు. ఆయన మంగళవారంనాడు మీడియాతో మాట్లాడుతూ..నా తమ్ముడు బంధువులను కొట్టించటంపై దర్యాప్తు జరపాలని మత్తయ్య డిమాండ్ చేశారు. నేను కోవర్ట్‌గా మారనందుకు నన్ను బెదిరించారు. ఓటుకు నోటు కేసును పునఃసమీక్ష చేసినందుకు సంతోషమని ఆయన అన్నారు. కుట్రపూరితంగా కేసు పెట్టించి నన్ను ఏ4గా చేర్చారు.

అమరావతి: కేసులకోసం ఆత్మగౌరవాన్ని మోదీకి జగన్ తాకట్టు పెట్టారని మంత్రి సోమిరెడ్డి చంద్రమోహన్ రెడ్డి ఆరోపించారు. అమరావతిలో ప్రెస్‌మీట్‌లో ఆయన మాట్లాడుతూ 12 కేసుల్లో ఏ వన్ గా ఉన్న వ్యక్తి చంద్రబాబును విమర్శించడం దారుణమని విమర్శించారు. బీజేపీ నేతలు బరితెగించి ఇష్టమొచ్చిన భాష మాట్లాడుతున్నారని విమర్శించారు.

హైదరాబాద్, మే 7: తెలుగు రాష్ట్రాలకు కేంద్రం పెద్ద ఎత్తున నిధులు ఇస్తున్నా ప్రధాని నరేంద్రమోదీని అప్రతిష్టపాల్చేస్తున్నారని బీజేపీ రాష్ట్ర అధ్యక్షుడు డాక్టర్ కే లక్ష్మణ్ పేర్కొన్నారు. కేంద్రంలోని గత ప్రభుత్వాలు ఈ రాష్ట్రాల అభివృద్ధికి కేటాయించిన ప్రాజెక్టులు, నిధులు గత నాలుగేళ్లలో మంజూరు చేసిన అభివృద్ధి పనులపై చర్చకు తాము సిద్ధమని, అందుకు రెండు రాష్ట్రాలూ సిద్ధమా అని లక్ష్మణ్ సవాలు విసిరారు.