నిజామాబాద్ : నిజామాబాద్‌లోని గిరిరాజ్ డిగ్రీ కళాశాల మైదానంలో యోగా శిబిరాన్ని రాందేవ్ బాబా ప్రారంభించారు. అనంతరం అక్కడ ఏర్పాటు చేసిన మీడియాతో సమావేశంలో రాందేవ్ బాబా, ఎంపీ కవిత, హరీష్ రావు మీడియాతో మాట్లాడారు. జిల్లాలో రైతుల కోసం పసుపు బోర్డును ఏర్పాటు చేయాల్సిందేనని యోగా గురువు బాబా రాందేవ్ పేర్కొన్నారు. పసుపు బోర్డు కోసం ఢిల్లీలో ఆందోళన చేస్తే తాను పాల్గొంటానని ఆయన స్పష్టం చేశారు.

విజయవాడ: ఆంధ్రప్రదేశ్‌కు ప్రత్యేక హోదా డిమాండ్ చేస్తూ వైకాపా జాతీయరహదారులను దిగ్బంధం చేసింది. కడప, చెన్నై రహదారిలో వాహనాల రాకపోకలను ఆ పార్టీ నేతలు అడ్డుకున్నారు. కార్యక్రమంలో రాజంపేట పార్లమెంటరీ అధ్యక్షుడు ఆకేపాటి అమర్‌నాథ్‌రెడ్డితో పాటు పలువురు పార్టీ నేతలు, కార్యకర్తలు పాల్గొన్నారు. మరోవైపు కృష్ణా జిల్లా జాతీయ రహదారుల దిగ్బంధనానికి సిద్ధమవుతున్న పార్టీ నేతలను పోలీసులు హౌజ్ అరెస్ట్ చేశారు.

అమరావతి: ఏపీ రాజధాని అమరావతిలో ఆనందనగరాల సదస్సు ప్రారంభమైంది. మూడు రోజులపాటు జరుగనున్న ఈ సదస్సు చెన్నై-కోల్‌కత్తా జాతీయ రహదారి పక్కనే ఉన్న సీజే కనె్వన్షన్ హాల్‌లో ఏర్పాటుచేశారు. సదస్సును ఏపీ ముఖ్యమంత్రి నారా చంద్రబాబునాయుడు, ఆధ్యాత్నిక గురువు సద్గురు జగ్గీవాసుదేవ్ జ్యోతిప్రజ్వలన చేసి ప్రారంభించారు. మంత్రులు ప్రత్తిపాటి పుల్లారావు, నారాయణ, దేవినేని ఉమామహేశ్వరరావు తదితరులు పాల్గొన్నారు.

నిజామాబాద్, ఏప్రిల్ 9: భారతదేశాన్ని 2050వ సంవత్సరం నాటికి అన్ని రంగాల్లో అగ్రగామిగా నిలుపుతూ అత్యంత శక్తివంతమైన దేశంగా తీర్చిదిద్దాలన్నదే తమ సంకల్పమని, ఈ కార్యంలో పతంజలి సంస్థ క్రియాశీలక పాత్ర పోషిస్తుందని ప్రముఖ యోగా గురువు రాందేవ్‌బాబా పేర్కొన్నారు.