విజయవాడ, ఫిబ్రవరి 2: పార్టీ సంస్థాగత ఎన్నికల నేపథ్యంలో తెలుగుదేశం పార్టీ తెలంగాణ నేతలతో టిడిపి జాతీయ అధ్యక్షుడు, ముఖ్యమంత్రి చంద్రబాబు నాయుడు వెలగపూడి సచివాలయంలో గురువారం సమావేశమయ్యారు. తెలంగాణలో పార్టీని బలోపేతం చేసేందుకు అనుసరించాల్సిన వ్యూహంపై పార్టీ తెలంగాణ శాఖ అధ్యక్షుడు రమణ, ఎమ్మెల్యే రేవంత్ రెడ్డి, తదితరులతో చర్చించారు.

హైదరాబాద్, ఫిబ్రవరి 1: జయశంకర్ భూపాల్‌పల్లి జిల్లా మేడారంలో ట్రైబల్ మ్యూజియం ఏర్పాటు చేసేందుకు ప్రభుత్వం పరిపాలనాపరమైన అనుమతి ఇచ్చింది. ఇందుకోసం మొత్తం మూడు కోట్ల రూపాయలు మంజూరు చేస్తూ గిరిజన సంక్షేమ ముఖ్యకార్యదర్శి సోమేష్ కుమార్ పేరుతో బుధవారం ఉత్తర్వులు జారీ అయాయి. ఈ విషయంలో గిరిజన సంక్షేమ శాఖ కమిషనర్ అవసరమైన చర్యలు తీసుకోవాలని ఆదేశించారు.

బాసర, ఫిబ్రవరి 1: వసంత పంచమిని పురస్కరించుకుని సరస్వతి నామస్మరణతో నిర్మల్ జిల్లా పరిధిలోని బాసర క్షేత్రం మార్మోగిపోయంది. అమ్మవారి జన్మదినం మూల నక్షత్రాన్ని పురస్కరించుకుని బుధవారం సరస్వతిదేవిని దర్శించుకోవడానికి భక్తులు పోటెత్తారు. బుధవారం బాసర సరస్వతిదేవి అమ్మవార్లకు తెల్లవారుఝామున అభిషేక, అర్చన పూజలు నిర్వహించి ఐదు గంటలకు అక్షరస్వీకార పూజలు ప్రారంభించారు.

పాన్‌గల్, జనవరి 31: రాష్ట్రంలో ప్రఖ్యాతిగాంచిన పాన్‌గల్ ఈదమ్మ జాతర షిడే ఉత్సవాలు మంగళవారం ఘనంగా నిర్వహించారు. ఈ జాతరకు ఉమ్మడి మహబూబ్‌నగర్ జిల్లాలతో పాటు కర్ణాటక, ఆంధ్రప్రదేశ్ తదితర రాష్ట్రాల నుండి భక్తులు అధిక సంఖ్యలో వచ్చి అమ్మ వారిని దర్శించుకున్నారు.