హైదరాబాద్, జనవరి 2: నూతన సంవత్సరం సందర్భంగా గవర్నర్ నరసింహన్ ముఖ్యమంత్రి కె.చంద్రశేఖర్‌రావును పొగడటంపై కాంగ్రెస్, సిపిఐ నేతలు తీవ్ర అభ్యంతరం తెలిపారు. కెసిఆర్ డైనమిక్ సిఎం అని గవర్నర్ తన హోదాను మరిచి పొగిడారని కాంగ్రెస్ సీనియర్ నేత మహ్మద్ షబ్బీర్ అలీ విమర్శించారు. గవర్నర్ తన పదవీ కాలాన్ని పొడిగించుకునేందుకే కెసిఆర్‌పై పొగడ్తల జల్లు కురిపించారని ఆయన సోమవారం విలేఖరుల సమావేశంలో విమర్శించారు.

హైదరాబాద్, జనవరి 2: హైదరాబాద్‌లో రీజినల్ స్పోర్ట్స్ సెంటర్ ఏర్పాటు చేస్తామని కేంద్ర క్రీడలశాఖ మంత్రి విజయ్ గోయల్ ప్రకటించారు. స్పోర్ట్స్ సెంటర్ ఏర్పాటు చేయాలని, దీనికి అవసరమై స్థలాన్ని కేటాయిస్తామని ముఖ్యమంత్రి కె చంద్రశేఖర్‌రావు చేసిన వినతిపై కేంద్ర మంత్రి సానుకూలంగా స్పందించారు. రాష్ట్ర పర్యటనకు వచ్చిన కేంద్ర మంత్రి గోయల్ సోమవారం సాయంత్రం ప్రగతి భవన్‌లో ముఖ్యమంత్రితో సమావేశమయ్యారు.

కరీంనగర్, డిసెంబర్ 2: నల్లధనం వెలికితీత పేరిట ప్రధాని నరేంద్రమోదీ 2016 నవంబర్ 8న ప్రకటించిన పెద్ద నోట్ల రద్దు భారతదేశ చరిత్రలోనే అతి పెద్ద కుంభకోణమని కాంగ్రెస్ సీనియర్ నేత, ఎఐసిసి పరిశీలకుడు సి.జయప్రకాష్ ఆరోపించారు.

హైదరాబాద్, జనవరి 2: హైదరాబాద్‌లో క్యాబ్ డ్రైవర్ల ఆందోళన కొనసాగుతోంది. రోడ్లపై క్యాబ్‌లను ఎక్కడిక్కడ నిలిపివేసి డ్రైవర్లు తమ ఆందోళనను ఉద్ధృతం చేస్తున్నారు. సోమవారంతో క్యాబ్ డ్రైవర్లు చేపట్టిన ఆందోళన మూడో రోజుకు చేరింది. దీంతో ప్రయాణికులు తీవ్ర ఇబ్బందులు ఎదుర్కొంటున్నారు. కూకట్‌పల్లిలోని మలేషియా టౌన్‌షిప్ వద్ద ఓలా, ఉబెర్ క్యాబ్‌లను నిలిపివేసి, ప్రయాణికులను దింపేసి ధర్నా చేశారు.